လက်ရေးလက်သားနှင့် ပက်သက်၍ ~

လက်ရေးလက်သားခွဲခြားသည့် အတက်ပညာမှာ လက်ဗွေပုံစံကို ခွဲခြားသည့် အတက်ပညာကဲ့သို့ တိကျခြင်း မရှိသေးပေ။ လက်ဗွေပုံစံ ခွဲခြားခြင်းကို စိတ်ချစွာ လက်ခံနိုင်သော်လည်း လက်ရေးပါရဂူ၏ ထင်မြင်ချက်ကို ထိုသို့ လက်ခံခြင်းမပြုဘဲ အရေးကြီးသော ထောက်ခံချက်အဖြစ်သာ အသုံးပြုသင့်သည်ဟု ဖော်ပြထားသည်။

တင်ရွှေ နှင့် ပြည်ထောင်စုမြန်မာနိုင်ငံ

၁၉၅၄ ၊ မ တ စ ၊ ၃၈၅

လက်ရေးလက်သားကို နှိုင်းယှဉ်ခြင်းမှာ မုချမှန်ကန်သော သက်သေခံချက် မဟုတ်ဟု ညွန်ပြထားသည်။

ဦးစံကျော် နှင့် မောင်မောင်ကြွယ်

၁၉၆၅ ၊ မ တ စ ၊ ၉၂

လက်ရေးကျွမ်းကျင်သူ၏ ထင်မြင်ချက် တစ်ခုတည်းဖြင့် အပြစ်မပေးနိုင်သော်လည်း စပ်ဆိုင်သည့် အကြောင်းအချက်များ ရှိပါက လက်ရေးကျွမ်းကျင်သူ၏ ထင်မြင်ချက်ကို ထောက်ခံသည့် သက်သေခံချက်အဖြစ် အသုံးပြုနိုင်ကြောင်း ဆုံးဖြတ်ထားသည်။

ပြည်ထောင်စုမြန်မာနိုင်ငံတော် နှင့် သန်းဦး

၂၀၀၁ ၊ မ တ စ ၊ ၃၁

ရေးသားသူ ဆရာနေလွင်ဦး

ကူးယူဖော်ပြပါသည်။