ရောင်းတဲ့ဂရန်က မူရင်းဆိုတဲ့တံဆိပ်တုံးလေးမပါကြောင်း ဝယ်သူဖက်ကမေး

တနေ့က အိမ်ခြံမြေ အကျိုးဆောင်

မိတ်ဆွေက ဖုန်းဆက်လာပြီး

ရောင်းတဲ့ဂရန်က မူရင်းဆိုတဲ့တံဆိပ်တုံးလေးမပါကြောင်း ဝယ်သူဖက်ကမေးလို့ပြီးပြောလာတယ်။

ဒါနဲ့ ဓာတ်ပုံပို့ခိုင်းပြီး ကြည့်လိုက်တော့

မူရင်းဆိုတဲ့ တံဆိပ်တုံးလေးမပါပဲ၊

မြို့ပြမြေရာမှတ်တမ်းထိမ်းသိမ်းရေး

ဌာနဆိုပြီး တံဆိပ်ရိုက်ထားတာတွေ့တယ်။

ဌာနမှာသိမ်းရမယ့်စာအုပ်နဲ့

အမည်ပေါက်ကိုပေးရမယ့်စာအုပ်လွဲတာလားမသိ၊

ဒါနဲ့ရောင်းသူကိုသေချာမေးကြည့်တော့၊ ရောင်းသူအဘ ကလည်း သူမသိကြောင်း စရတည်းက ဒီစာအုပ်ဖြစ်ကြောင်းပြောပါတယ်။

ဒါနဲ့ညနေကျတော့ ဌာနကညီတော်ကို ဖုန်းဆက်ပြီးမေးကြည့်တော့

(ဟုတ်တယ်အကို ၉၃တုန်းက သာကေတမှာ အဲ့လိုပုံစံမျိုးတွေပဲပေးတာဆိုပြီး

တခြားဂရန်စာအုပ်ပုံစံတွေပို့ပေးပြီး

ရုံးဖွင့်လို့ ရာဇဝင်စစ်ရင်တော့ အတိကျသိရမယ်လို့ အကြောင်းပြန်ပါတယ်)

အဲ့တော့မှ အဖြေသေချာသိရပြီး

မိတ်ဆွေများဗဟုသုတ ရစေဖို့

ရေးဦးမှပဲလို့ တွေးပြီး ရေးသားလိုက်ပါတယ်။

ဂရန်မြေကို ၀ယ်ယူမည်ဆိုလျှင်

ဂရန်မြေနှင့်ပတ်သက်၍ စစ်ဆေးရမည့် စာရွက်စာတမ်းက နည်းပါးပါသည်။

ဂရန်အမည်

ပေါက်မှန်ဖို့သာ အရေးကြီးပါသည်။

(သို့သော်သတိထားရမည်မှာ ပုံစံ၊အမျိုးအစားမတူကြခြင်းပါ)

ဂရန် အမည်ပေါက် မှန်၊ မမှန်၊ စစ်၊ မစစ်ကို သက်ဆိုင်ရာရုံးများ ရန်ကုန်၊ မန္တလေးမှာ မြို့တော်စည်ပင်၊ နယ်မြို့များမှာ မြို့နယ် လယ်ယာမြေ စီမံခန့်ခွဲမှုနှင့် စာရင်းအင်း ဦးစီးဌာန၊ ယခင်မြို့နယ်မြေစာရင်းရုံးများ)

သို့ ရှေးဦးစွာ သွားရောက်စစ်ဆေးရမည်ဖြစ်သည်။

ဆက်လက်ဖော်ပြပေးပါမယ်

#ဥပဒေရေးရာ #ဂရန်