မောင်နှမ ( ၃ ) ယောက်က ဘယ်လိုပြန်ပြီး ပိုင်ဆိုင်ဖို့ ကြိုးစားရမလဲ
ကျနော်တို့ မောင်နှမတွေ အနေနဲ့ မိဘဖြစ်သူရဲ့ အမွေကို လုံးဝမရခဲ့
ပါဘူး ။ ကိုယ့်မိဘ ကိုယ်တိုင်က သူစိမ်းတစ်ယောက်ကို
အမွေပစ္စည်း အားလုံး ပေးကမ်း လိုက်လို့ပါ ။ အဲ့ဒါနဲ့ ပတ်သက်ပြီး အခုတော့
မိဘတွေလည်း မရှိကြတော့တဲ့ အချိန်မှာ အဲ့ဒီ အမွေကို
ကျနော်တို့ မောင်နှမ ( ၃ ) ယောက်က ဘယ်လို ပြန်ပြီး ပိုင်ဆိုင်ဖို့
ကြိုးစား ရမလဲဆိုတာ ပြောပြပေးပါ ။
အဲ့ဒီ ပေးကမ်းခြင်း စာချုပ်က ဘယ်လောက်ကြာပြီလဲ
(၂)နှစ်ကျော်လောက်ကြာပါပြီ။
အဖေကိုယ်တိုင် စာချုပ်စာတမ်းရုံးမှာ မှတ်ပုံတင်ပြီး ပေးလိုက်တာပါ။
ဒီနှစ်ထဲကျမှ အဖေဆုံးတော့ အမွေများ ကျန်ခဲ့မလား ရှာကြည့်တော့မှ
အဖေ ပေးလိုက်တဲ့ အဲ့ဒီအိမ်နဲ့ ခြံဝန်းပဲ ရှိတာဆိုတော့
ဘယ်လို လုပ်ရမလဲ သိချင်တာပါ ။
အချိန်တော့ မှီပါသေးတယ် အဲ့ဒီ ပေးကမ်းခြင်း စာချုပ်က ( ၃ ) နှစ်
မကျော် သေးတဲ့အတွက် ပယ်ဖျက်ခွင့် ရှိပါသေးတယ် ။
မြန်မာ့ ဓလေ့ ထုံးတမ်း အရလည်း ဓမ္မသတ်များအရ မိဘဖြစ်သူက အမွေ ပစ္စည်းအားလုံးကို
သားသမီး တစ်ဦးဦးအား ပေးကမ်းခြင်းသည် ပျက်ပြယ်၍ အတည် မဖြစ်ဟု
ဆိုလျှင် သူစိမ်းအား အမွေအားလုံး ကိုပေးကမ်းခြင်း သည်လည်း အလားတူ
ပျက်ပြယ် ရမည် ဖြစ်ကြောင်း ထုံးဖွဲ့ ထားတာ ရှိပါတယ် ။
( ဒေါ်လွန်းပါ ( ၅ ) နှင့်ဒေါ်သိန်းရင်၁၉၉၁ ( တရားမ အထူး အယူခံမှု )
ဦးနာဂနှင့် အခြားသူများနှင့် မောင်လှ ( ၁၉၀၇-၀၉ ) အထက် မြန်မာပြည် စီရင်ထုံးများ အတွဲ၂
စီရင်ထုံး အတိုင်း ဆုံးဖြတ်ရမှာ ဖြစ်တဲ့အတွက် မူလရုံးတွင် ဖြစ်စေ
အယူခံမှုတွင် ဖြစ်စေ အပေး စာချုပ်ကို ပယ်ဖျက် ပေးစေလိုမှု
ကနဦး တရားစွဲရန် လိုအပ်တယ်လို့ ဆုံးဖြတ် ထားပါတယ် ။
ဒါကြောင့် သူစိမ်းကို ဖြစ်စေ သားချင်းကို ဖြစ်စေ အမွေပုံ အားလုံး
ပေးခြင်းဟာ ပျက်ပြယ် သည့်အတွက် မိဘများရဲ့ အမွေ ပစ္စည်းများကို
ထိုက်တန်စွာ ရမှာဖြစ်ကြောင်း ဖော်ပြ ပေးလိုက် ပါတယ် ။
Related Posts
နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင်ခွင့် ရှိပါသလား
'နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင် ခွင့် ရှိပါသေးသလား''ဟု မိတ်ဆွေ တစ်ဦးက စာရေးသူထံ လာရောက် ဆွေးနွေးပါသည်။''ဘယ်လိုအခြေအနေမျိုးဖြစ် လို့လဲ၊ ပထမ အိမ်ထောင်နဲ့ လက်ထက် ပွားပစ္စည်းဆိုရင်တော့ ပထမဇနီး ခင်ပွန်းနဲ့ ထက်ဝက်စီအမွေဝေစုရခွင့် ရှိပါ...
အမွေရှင်က သူတစိမ်းအားအမွေပစ္စည်းအားလုံးကိုပေးကမ်းခြင်း
မြန်မာဓလေ့ထုံးတမ်းဥပဒေ- ပဋိညာဉ်ဥပဒေပုဒ်မ ၂၃ ပါ “ ဥပဒေ ” ဆိုသောစကားရပ်- မြန်မာနိုင်ငံတရား ဥပဒေများ ဆိုင်ရာဥပဒေပုဒ်မ ၁၃ (၁) - မြန်မာဗုဒ္ဓဘာသာဝင်များအကြား အငြင်းပွားနေသော အမွေဆက်ခံသည့် ကိစ္စနှင့်စပ်လျဉ်းသည့်ဓမ္မသတ်ပါ ပြဋ္ဌာန်းချက်များသည် ဥပဒေဖြစ်သည့်အလျ...
မိဘအမွေ မဆက်ခံနိုင်သည့်သားသမီးများ
မြန်မာဓလေ့ထုံးတမ်းဥပဒေတွင် မိဘသည် သားသမီးများအားအမွေမှ မပယ်ထုတ်နိုင်ပေ\သို့ရာတွင်အောက်ပါ အကြောင်းသုံးရပ်ကြောင့်သားသမီးများသည် မိဘအမွေ ဆက်ခံနိုင်ခွင့်ဆုံးရှုံးခြင်းခံရပေသည်သူတစ်ပါးအား မွေးစားရန်ပေးအပ်ခံရခြင်းမိဘများကွာရှင်းပြတ်စဲကြပြီးနောက် သားသမီးဖြစ...