မိဘနှစ်ပါး ကွယ်လွန် ချိန်တွင် အမွေဆက်ခံ ပိုင်ဆိုင်ကြောင်း ကြေညာ စာချုပ်ချုပ် ဆိုခြင်း
မိဘနှစ်ပါး ကွယ်လွန် ချိန်တွင် အမွေဆက်ခံ ပိုင်ဆိုင်ကြောင်း ကြေညာ
စာချုပ်ချုပ် ဆိုခြင်း မိဘနှစ်ပါး ကွယ်လွန်လျှင် ၎င်းတို့ ပိုင်ဆိုင်သော မရွှေ့မပြောင်း
နိုင်သည့် ပစ္စည်းကို အမွေဆက်ခံပိုင်ခွင့်ရှိ သူများက အမွေဆက်ခံ ပိုင်ဆိုင်ကြောင်း ကြေညာ
စာချုပ်ချုပ်ဆိုပြီး အမွေဆက်ခံ ပိုင်ဆိုင်ရမှာ ဖြစ်ပါသည် ။
မိဘနှစ်ပါး ကွယ်လွန်က မရွှေ့မပြောင်း နိုင်သည့် ပစ္စည်း ( အိမ် ခြံ မြေ ) ကျန်ရစ်ပါက
ကျန်ရစ်သူ သားသမီး နှင့် ကိတ္တိမ မွေးစား သားသမီးများမှ မြန်မာ့ ဓလေ့ ထုံးတမ်း
ဥပဒေအရ အမွေဆက်ခံ ပိုင်ဆိုင်ခွင့် ရရှိမှာ ဖြစ်ပါသည် ။
အမွေ ဆက်ခံရာတွင် အမွေဆက်ခံ ပိုင်ဆိုင်ကြောင်း မှတ်ပုံတင်
စာချုပ်ချုပ် ဆိုရမှာ ဖြစ်ပါတယ် ။
လိုအပ်သည့် စာရွက်စာတမ်း များမှာ-
- မိခင် ၊ ဖခင်တို့၏ သေစာရင်း မူရင်း ။ ( သေစာရင်း မရှိလျှင် သက်ဆိုင်ရာ
မြို့နယ် အုပ်ချုပ်ရေးမှူးမှ ထုတ်ပေးသည့် သေဆုံးကြောင်း ထောက်ခံချက် ။)
- မိဘနှစ်ပါး ( သို့မဟုတ် ) ဂရန် ( သို့မဟုတ် ) မြေပိုင် မြေဖြစ်က ပိုင်ဆိုင်စာချုပ် မူရင်း ။
- သက်ဆိုင်ရာ စည်ပင်မှ ထုတ်ပေးသည့် တစ်နှစ် သက်တမ်းရှိ ပိုင်ဆိုင်
စာချုပ်ချုပ်ရန် မြေပုံရာဇဝင် မူရင်း ။
- ပိုင်ဆိုင် ချုပ်ဆိုသူ၏ နိုင်ငံသား စိစစ်ရေး ကဒ်ပြား မူရင်း ။
- ပိုင်ဆိုင်ချုပ် ဆိုသူ၏ သန်းခေါင် စာရင်းမူရင်း ။
- အမွေဆက်ခံ ပိုင်ဆိုင်ကြောင်း တရားရုံး ကျမ်းကျိန်မူရင်း စသည့် စာရွက် စာတမ်းများ
လိုအပ်မည် ဖြစ်ပါသည် ။
အထက်ပါ စာရွက် စာတမ်း မူရင်းများဖြင့် စာချုပ် စာတမ်း မှတ်ပုံတင်ရုံးတွင်
အမွေဆက်ခံ ပိုင်ဆိုင်ကြောင်း ကြေညာ စာချုပ်ချုပ် ဆိုရမှာဖြစ်ပါသည် ။
မှတ်ပုံတင် စာချုပ်ချုပ် ဆိုပြီးပါက ပိုင်ဆိုင်ချုပ် ဆိုသူ အမည်သို့ ဂရန် အမည်ပြောင်း
လျှောက်ထားခြင်းကို ရန်ကုန်မြို့တော် စည်ပင်သာယာရေး ကော်မတီ ၊ မြို့ပြ
စီမံကိန်းနှင့် မြေစီမံခန့်ခွဲမှုဌာနတွင် လျှောက်ထားရမှာ ဖြစ်ပါသည် ။
Related Posts
နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင်ခွင့် ရှိပါသလား
'နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင် ခွင့် ရှိပါသေးသလား''ဟု မိတ်ဆွေ တစ်ဦးက စာရေးသူထံ လာရောက် ဆွေးနွေးပါသည်။''ဘယ်လိုအခြေအနေမျိုးဖြစ် လို့လဲ၊ ပထမ အိမ်ထောင်နဲ့ လက်ထက် ပွားပစ္စည်းဆိုရင်တော့ ပထမဇနီး ခင်ပွန်းနဲ့ ထက်ဝက်စီအမွေဝေစုရခွင့် ရှိပါ...
အမွေရှင်က သူတစိမ်းအားအမွေပစ္စည်းအားလုံးကိုပေးကမ်းခြင်း
မြန်မာဓလေ့ထုံးတမ်းဥပဒေ- ပဋိညာဉ်ဥပဒေပုဒ်မ ၂၃ ပါ “ ဥပဒေ ” ဆိုသောစကားရပ်- မြန်မာနိုင်ငံတရား ဥပဒေများ ဆိုင်ရာဥပဒေပုဒ်မ ၁၃ (၁) - မြန်မာဗုဒ္ဓဘာသာဝင်များအကြား အငြင်းပွားနေသော အမွေဆက်ခံသည့် ကိစ္စနှင့်စပ်လျဉ်းသည့်ဓမ္မသတ်ပါ ပြဋ္ဌာန်းချက်များသည် ဥပဒေဖြစ်သည့်အလျ...
မိဘအမွေ မဆက်ခံနိုင်သည့်သားသမီးများ
မြန်မာဓလေ့ထုံးတမ်းဥပဒေတွင် မိဘသည် သားသမီးများအားအမွေမှ မပယ်ထုတ်နိုင်ပေ\သို့ရာတွင်အောက်ပါ အကြောင်းသုံးရပ်ကြောင့်သားသမီးများသည် မိဘအမွေ ဆက်ခံနိုင်ခွင့်ဆုံးရှုံးခြင်းခံရပေသည်သူတစ်ပါးအား မွေးစားရန်ပေးအပ်ခံရခြင်းမိဘများကွာရှင်းပြတ်စဲကြပြီးနောက် သားသမီးဖြစ...