မြန်မာ့ ဓလေ့ ထုံးတမ်း ဥပဒေမှာ အမွေဆက်ခံရေးနဲ့ ပတ်သက်ပြီး သြရသ ၊ ကနိဋ္ဌ ၊ ကတ္တိမ၊ အပတိဋ္ဌ ၊ ကိဠိတ ၊ သွာနုတ္တ စသည့် သားသမီးများ အကြောင်း

သြရသ သားသမီး

သြရသ သားသမီးဆိုတာ သားကြီး သမီးကြီး ရတဲ့ အခွင့်အရေးပါ ။ 

အကြီးဆုံးသား သမီးတိုင်းက ဒီအခွင့်အရေး ရလားဆိုတော့ မရပါဘူး ။ 

အဖေဆုံးတဲ့ အချိန်က သား ၁၈ နှစ်ဖြစ်မယ် ၊ မိသားစုရဲ့ လုပ်ငန်း

တွေမှာလည်း လုပ်နိုင်တဲ့ အနေအထားရှိရင် သြရသ အခွင့်အရေး ရပါတယ် ။ 

ဒီလိုပဲ အမေဆုံးတဲ့ အချိန်မှာ သမီးက ၁၈ နှစ်ဖြစ်မယ် ၊ အိမ်ထောင် ထိန်းသိမ်းမှုမှာ 

လုပ်နိုင် ကိုင်နိုင်ဆို သြရသ အခွင့်အရေး ရပါတယ် ။ သြရသ ဖြစ်ပြီးဆိုရင် 

အမေဆုံးလျှင် သမီးကြီးက အဖေဆီမှာ အမွေပစ္စည်း ၄ ပုံ ၁ ပုံတောင်းခွင့် 

ရှိပါတယ် ။ သားလည်း ဒီလိုပဲ အဖေဆုံးလျှင် အမေဆီ မှာ ၄ ပုံ ၁ ပုံတောင်း 

ပိုင်ခွင့် ရှိပါတယ် ။ ဒါ သြရသရဲ့ သဘောသဘာဝနှင့် အခွင့်အရေး ဖြစ်ပါသည် ။

ကနိဋ္ဌ သားသမီး

ကနိဋ္ဌသားသမီး သူကတော့ ထူးထူးခြားခြား အခွင့်အရေးတော့ မရှိပါဘူး ။ 

မိဘ နှစ်ပါးအနက် တစ်ပါး ဆုံးသွားပြီး ကျန်ရစ်သူ မိဘက နောက်အိမ်ထောင် 

ပြုတော့မယ်  ဆိုလျှင် အမွေတောင်းလို့ရပါတယ်။ သားသမီး အကုန်လုံးမှ 

အမွေဝေစု၏ တစ်ဝက် တောင်းပြီး အချိုးကျ ခွဲဝေ ယူရပါသည် ။

ကိတ်တိမ သားသမီး

ကိတ္တိမ သားသမီး ဆိုတာကတော့ သားရင်း သမီးရင်းလို မွေးစားထားတာကိုး ။ 

စာချုပ် စာတမ်း မှတ်ပုံတင်ရုံးမှာ မှတ်ပုံတင်ပြီး တရားဝင် မွေးစားခြင်း ဖြစ်ပါတယ် ။ 

၁၉၄၁ခုနှစ် ဧပြီ ၁ ရက်နေ့ နောက်ပိုင်း မွေးစား ခြင်းများသည် မှတ်ပုံတင်ရမယ် ။ 

သားရင်း သမီးရင်း ခံစားရသကဲ့သို့ အမွေရပါသည် ။

အပတိဋ္ဌ သားသမီး

အပတိဋ္ဌ သားသမီး ဆိုတာကတော့ ကောက်ယူ မွေးစားတာပေါ့ ။ အမွေပေး ရန်လည်း 

မရည်ရွယ်ပါဘူ း။ ထို့ကြောင့် သားရင်း သမီးရင်းကဲ့သို့ အခွင့်အရေးလည်း မရပါဘူး ။ 

အမွေရပိုင်ခွင့်မရှိပါဘူး ။ ဘယ်အချိန်မှာ အမွေရပိုင်ခွင့် ရှိလဲဆိုတော့ မိဘနှစ်ပါး ဆုံးတယ် ၊ 

သူတို့မှာ သားရင်း သမီးရင်း ကလည်း မရှိဘဲ ဆက်ခံမည့် မြေး လည်းမရှိဘူး ဆိုလျှင် 

ထိုအခါ အမွေစုအား ဆွေမျိုးတွေက တစ်ဝက် အပတိဋ္ဌ သားသမီးက တစ်ဝက် ရရှိမှာ ဖြစ်ပါသည် ။

ကိဠိတ သားသမီး

ကိဠိတ သားသမီး ကတော့ ပျော်ပါး မြူးတူးရာကရတဲ့ သားသမီးလို့ ခေါ်တယ် ။ 

အမွေဆက်ခံခွင့် မရှိပါဘူး ။ တစ်ခု ထူးခြားတာက အမျိုးသားက အမျိုးသမီးကို 

လက်ထပ်ပါမယ် ဆိုပြီး ကာမရယူတယ် ။ ထို့နောက် လက်ထပ် မယူတဲ့အတွက် 

မိန်းကလေးက ကာမလိမ်လည်မှုဖြင့် တရားစွဲတယ် ထို့ကြောင့် အမျိုးသားက

 ထောင်ကျတယ်  မိန်းကလေးတွင် ကိုယ်ဝန်ကျန်ခဲ့တယ်။ ကိုယ်ဝန်သည် အမျိုးသားနှင့် 

ရရှိကြောင်း အခိုင်အမာ သက်သေပြ နိုင်လျှင် အမျိုးသားထောင်က 

ထွက်လာသည့်အခါ ထိုအမျိုးသားထံမှ ကလေးစရိတ် တောင်းလို့ ရပါတယ် ။ 

အမွေတော့ မရပါဘူး ။ သူရဲ့ ထူးခြားမှု ဖြစ်ပါသည် ။

သွာနုတ္တ သားသမီး

သွာနုတ္တ သားသမီး ခွေးနဲ့တူတဲ့ သားသမီးပေါ့ ။ မိဘကို စော်ကားတယ် ၊ 

ရန်ပြုတယ် ၊ မိဘစကားနား မထောင်ဘူး ။ မိဘစကား နားမထောင်ရုံ နဲ့တော့ 

သွာနုတ္တ မဖြစ်သေး ပါဘူး ။ မိဘပေးစားတဲ့ သူနဲ့ မယူလို့ မိဘ စကားနားမထောင်ဘူး 

အမွေပြတ်တယ် ဆိုပြီး သတင်းစာတွေ ထဲထည့်တယ် ။ ဒါပေမဲ့ အမွေ 

မပြတ်ပါဘူး ။ အမွေ ရဦးမှာပါပဲ ။ သွာနုတ္တဆိုတာ မိဘကို ရန်သူ သဖွယ် ပြုမူတယ် ၊ 

မိဘကို နှိပ်စက် တယ်ဆိုရင် မိဘက အဲဒီ သားသမီးကို သွာနုတ္တ သားသမီးအဖြစ် 

ကြေညာ ဖို့အတွက် တရားစွဲ ရသေးတယ် ။ တရားရုံးက သွာနုတ္တ သားသမီး 

အဖြစ် ကြေညာပြီဆိုမှ အဲဒီသားသမီးက ဘာအခွင့်အရေးမှ မရတော့ပါဘူး ။ 

အမွေလည်း မရနိုင်တော့ပါဘူး ။ 

ကိုကား မြန်မာ့ ဓလေ့ ထုံးတမ်း ဥပဒေ