ဆရာတိုက်ခန်းဝယ်ချင်လို့ လေ့လာတာ အတော်အတန်တော့ သိရပြီ။
16-Aug-21
အရောင်းအဝယ် ဆိုင်ရာ
အခုဝယ်မယ့်တိုက်ခန်းက
အပျောက်တိုက်ခန်းလို့ ပြောနေတယ်။
ကျနော်လည်း ခေါင်းနောက်သွားပြီး ဘာဆက်လုပ်ရမှန်းမသိတော့ဘူး။
ရှင်းပြပေးပါလားခင်ဗျာ။
ဆရာဦးမြင့်လွင်(တရားလွှတ်တော်ရှေ့နေ)၊
သင်ပြပေးခဲ့တဲ့
အပျောက်တိုက်ခန်းအမျိုးအစားများကို
တစ်ခုခြင်းစီ ဖော်ပြပေးပြီး
ရှင်းပေးပါမယ်။
အေးဆေးအချိန်ယူဖတ်ပြီး လေ့လာမှတ်သားပါ။
(၁) အပျောက်တိုက်ခန်း
အပျောက်တိုက်ခန်းဆိုသည်မှာ ယင်းတိုက်ခန်းအား တန်ဖိုးတစ်ရပ်ဖြင့်ပေးဝယ်၍ နေထိုင်ခွင့်နှင့် ထပ်ဆင့်လွဲှ ပြောင်း ငှားရမ်းပိုင်ခွင့်ရှိသော အိမ်ငှား ( TANANT) တစ်ဦးဖြစ်ပါသည်။ ၁၉၆၀ ပြည့်နှစ်၊ မြို့ပြဆိုင်ရာငှားရမ်းခ ကြီးကြပ်ရေးအက်ဥပဒေနှင့် အကျုံးဝင်သဖြင့် ဝယ်ယူသူသည် မြေရှင်အား အိမ်လခပေးရန်နှင့် ယင်းဥပဒေကို လိုက်နာရပါမည်။
(၂) အပျောက်တိုက်ခန်း အမျိုးအစားများ
(က) ပုဂ္ဂလိကတိုက်ခန်း
ပုဂ္ဂလိက ပိုင်မြေကွက်ပေါ်တွင် ပုဂ္ဂလိကပိုင်ငွေဖြင့်ဖြစ်စေ၊ ကန်ထရိုက်တာနှင့် အခန်းပေးအခန်းယူ ဆောက် လုပ်သည့်တိုက်ခန်းများဖြစ်ပြီး မြေရှင်အား အိမ်လခပေးနေရသော အခန်းများဖြစ်ပါသည်။ အိုးအိမ်မှ ပုဂ္ဂလိက သို့အပြီးအပြတ် ရောင်းချသော အခန်းများလည်းပါဝင်ပါသည်။ ယင်းတိုက်ခန်းအများကိုမူ အိမ်လခ တောင်းခံ ခြင်း မပါ။
(ခ) ပြည်သူပိုင်မှ ပြန်ပေးသောတိုက်ခန်း
ပြည်သူပိုင် သိမ်းယူသော တိုက်ခန်းများအနက် နိုင်ငံတော်မှ အသုံးပြုရန် မလိုအပ်သည့် အခန်းများအား ပြန် လည် စိစစ်၍ မူလပိုင်ရှင်များအား ပြန်လည်လွဲှပြောင်းပေးအပ်သည့် အခန်းအမျိုးအစားဖြစ်ပါသည်။
(ဂ) စည်ပင်မှ ယာယီထိန်းသိမ်းထားသည့် တိုက်ခန်း
တိုက်ခန်းနေထိုင်သူမှ ကြွေးမဆပ်နိုင်သဖြင့် စည်ပင်က ယာယီထိန်းသိန်းထားသည့် အခန်းဖြစ်ပြီး စည်ပင်ကြွေး ကို အိမ်ငှား (တိုက်ခန်းအပျောက်ဝယ်သူ) မှ ပေးဆပ်ရပြီးတိုက်ပိုင်ရှင်သို့ အိမ်လခပေးရန် မလိုဘဲ စည်ပင်ခွန် များကိုသာ ပေးဆောင်နေရသည့် အခန်းအမျိုးအစားဖြစ်ပါသည်။
(ဃ) ဘာသာရေးပိုင်အခန်းများ
ဗလီဝကဖ်အခန်းများ၊ ဟိန္ဒူဘုရားကျောင်းပိုင် အခန်းများ၊ တရုတ်ဘုံကျောင်းပိုင်အခန်းများအား အပျောက်စနစ် ဖြင့် ရောင်းချပြီး ရရှိသည့်ငွေများ အိမ်လခများကို ဘာသာရေးရန်ပုံငွေအဖြစ်အသုံးပြုသည့်အခန်း များဖြစ်ပါ သည်။ အဆိုပါအခန်းများ ရောင်းချခြင်း ဝယ်ယူခြင်း ပိုင်ဆိုင်မှုအမည်ပြောင်းခြင်းများကို သက်ဆိုင်ရာ ဂေါပက အဖွဲ့ လူကြီးမများက စီမံခန့်ခွဲကြပါသည်။
(င) ပြည်သူပိုင် (သို့) အစိုးရပိုင်အခန်းများ
၁ - အိုးအိမ်ခန်း
နိုင်ငံတော်ပိုင်မြေပေါ်တွင် နိုင်ငံတော်ပိုင်ငွေဖြင့် ဆောက်လုပ်ပြီး ဝန်ထမ်းများ အားနေထိုင်ခွင့် အငှားချထားသော အခန်းမျိုးဖြစ်သည်.( ဥပမာ- ဦးဝိစာရအိမ်ရာ၊ ရန်ကင်းအိမ်ရာ၊ဖဆပလ အိမ်ယာ) ထို့အပြင် ယခင်တိုင်းပြည်သူ့ ကောင်စီမှ ထိန်းသိမ်းထားသော ပြည်သူပိုင်အခန်းများအား အိုးအိမ်သို့ လွဲှအပ်ပေးလိုက်သော အခန်းများပါဝင် ပါသည်။
၂- ဌာနဆိုင်ရာအခန်းများ
အစိုးရဌာနဆိုင်ရာ အဖွဲ့အစည်းအသီးသီးတို့မှာ မိမိတို့ ဝန်ထမ်းများနေထိုင်ရေးအဆင်ပြေစေရန်အတွက် နိုင်ငံ တော်မှ စိစဉ်ဆောက်လုပ်ပေးသော အဆောက်အဦ တိုက်ခန်းဖြစ်ပါသည်။ ပြည်သူပိုင်အဖြစ်ပြုလုပ်ထားသော အခန်းများပါဝင်ပါသည်။
၃- တိုင်းချခန်း
ယခင်အတိုင်းလုံခြုံရေးနှင့် အုပ်ချုပ်မှုကော်မတီ တစ်ဖန်တိုင်းပြည်သူ့ကောင်စီသည် တိုင်းအဆင့်စီမံခန့်ခွဲမှု၊ အုပ် ချုပ်မှုအဖွဲ့အစည်းမှ ပုဂ္ဂိုလ်များအား ချပေးသောအခန်းဖြစ်ပါသည်။
၄- နိုင်ငံခြားပြန်အခန်း
နိုင်ငံခြားသားပိုင်အခန်းဖြစ်ပြီးမိမိတို့၏ နိုင်ငံသို့အပြီးအပိုင်ပြန်ကြရာတွင် ယင်းအခန်းများ နိုင်ငံတော်သို့ အပ်နံှ ခြင်း (သို့) နိုင်ငံတော်မှ သိမ်းယူထားသော အခန်းဖြစ်သည်။
၅- စည်ပင်ယာယီထိန်းအခန်း
စည်ပင်သာယာရေးကော်မတီ၏ စည်းကမ်းချက်များ ဥပဒေပြဌာန်းချက်များနှင့် မကိုက်ညီခြင်း ညွှန်ကြားချက် များအား မလိုက်နာခြင်းတို့ကြောင့် စည်ပင်သာယာရေးကော်မတီမှ ယာယီထိန်းသိမ်း ထားသောအခန်း ဖြစ်ပါသည်။
(စ) အခြားအခန်းများ
ပြစ်မှုဆိုင်ရာဥပဒေတစ်ရပ်ရပ်အရ ( မူးယစ်ဆေးဝါး၊ ချဲ၊ထီ စသည့်) အရေးယူခံရပြီး နိုင်ငံဘဏ္ဍာအဖြစ် သိမ်းယူ ခြင်း ခံရသည့်အခန်းများဖြစ်သည်
အခြား စိတ်ဝင်စားစရာ ဆောင်းပါးများ
- ကန်ထရိုက်တိုက်ခန်းဝယ်ယူသည့်အခါ စစ်ဆေးရမည့် အချက်များမှာ-
- "ဥပဒေအကြောင်းနဲ့မဆိုင်သော်လည်း အိမ်ခြံမြေရောင်းဝယ်ရာတွင်
- ကွက်ရိုက်ရောင်းနေသောဥယျာဉ်ခြံမြေ
- တိုက်ခန်း၀ယ်လျှင် အခွန်ဆောင်ဖို့ လိုပါသလား
- +++သြရသ သားသမီး၏ ဇနီးခင်ပွန်းတို့နှင့် သက်ဆိုင်နေသည့် မြေနှင့်အိမ်ကို ၀ယ်မည်ဆိုလျှင်+++
- လယ်ယာမြေတွေကို...အကွက်ရိုက်ရောင်းသူဆီမှဝယ်မိတဲ့ပြဿနာ
- "SP အကြောင်းသိကောင်းစရာ"
- ဆရာရေ ဂရံမြေဝယ်ချင်လို့ ဘာတွေစစ်ရမလဲ?
- တိုက်ခန်းဝယ်တော့မယ်ဆိုရင် တောင်းယူရမည့် စာရွက်စာတမ်းများ
- တရားဝင်ပိုင်ဆိုင်မှု
Related Posts
ပလပ်မြေ ၊ မြေလပ် ၊ လှပ်မြေများနှင့် ပတ်သက်၍ သိထားသင့်သည့်အချက်များ
"ပလပ်မြေ / လှပ်မြေ" ဆိုသည်မှာ "သီးနှံစိုက်ပျိုးနိုင်သော မြေဖြစ်ပါလျှက် တစ်စုံတစ်ရာ စိုက်ပျိုး လုပ်ကိုင်ခြင်း လုံးဝမရှိသောမြေ" ကိုဆိုလိုပါသည်။"မြေလပ်" ဆိုသည်မှာ ယခင်က သီးစားခံယူ လုပ်ကိုင်လာခဲ့ပြီး အကြောင်းအမျိုးမျိုးကြောင့် စွန့်လွှတ်ထား သည့်မြေ၊ မြေအ...
ကာလပေါက်ဈေးထက် ဈေးအရမ်းသက်သာနေပါလျှင် သတိထားပီး ဝယ်ယူပါမိတ်ေဆွ။
အရင်တုန်းကအဖြစ်အပျက်လေးပါမိတ်ဆွေတစ်ယောက်မှကျွန်တော့အားဖုန်းဆက်ပါတယ်၊ဆရာကျွန်မမြောက်ဒဂုံမြို့နယ်၊ဘုရင့်နောင်လမ်းမှာမြေကွက်စျေးတန်လို့စရံပေးလိုက်ပါတယ်။မြေကွက်လပ်ဖြစ်ပြီး၊ဂရန်အမည်ပေါက်ဆီကဝယ်ထားတယ်လို့ပြောပါတယ်၊မြေဂရံမူရင်းနဲ့အရပ်ကတိစာချုပ်ကိုပြပါတယ်၊ဂရန...
ရှေ့နေမပါပဲ မြေပိုင်ဆိုင်မှုခိုင်မာအောင် ဘယ်လိုလုပ်ဝယ်မလဲ
မြေအရောင်းအဝယ်စာချုပ်တစ်ခုကို ဥပဒေနဲ့အညီ ဘယ်လိုစာချုပ်ချုပ်ဆိုကြမလဲပိုင်ဆိုင်မှုခိုင်မာအောင် စာချုပ်စာတမ်းတွေ ဘယ်လိုမှတ်ပုံတင်ကြမလဲ၊ကိုယ့်အမည်ပေါက်ဖြစ်အောင်လုပ်ကြမလဲကျွန်တော်တို့ပိုင်ဆိုင်တဲ့ ငွေကြေးဓနဥစ္စာတွေနဲ့မြေကွက်တွေဝယ်တော့မယ်ဆိုရင်&n...
www.yuzanarland.com ဟာ မိတ်ဆွေအတွက်ပါ။
