လူသိ နတ်ကြား လက်ထပ်ပြီး အတူပေါင်းသင်း နေထိုင်ရင်း
( ၁ ) ကျမတို့ လင်မယား လက်ထပ်တာလေး ငါးလပဲ ရှိပါသေး
တယ်ရှင် လူသိနတ်ကြား လက်ထပ်ပြီး အတူ
ပေါင်းသင်း နေထိုင်ရင်း ကျမမှဘာအပြစ်မှ မရှိဘဲ ဒင်း အိမ်က
ထွက်သွားပါတယ်…ပတ်ဝန်းကျင်မှာ အရှက်ရစေတဲ့ အတွက်
ဒင်းကို ဥပဒေအရ ဘယ်လို အရေးယူ ရမလဲ ???
( ၂ ) ကျမတို့ လင်မယားမှာ ကလေးတစ်ယောက် ရှိပါတယ်…
ကျမ ဘာအပြစ်မှ မလုပ်မိပါပဲ ဒင်း အိမ်က ထွက်သွားတာ ၁
နှစ်ကျော်ပါ ပြီ … သူများ သားသမီး ယူထားပြီး အသားလွတ်
ပစ်ထားလို့ သူ့ကို ဥပဒေအရ ဘယ်လို အရေးယူနိုင်မလဲ
သိချင်လို့ပါ …
( ၃ ) ကျမတို့ မယူခင် ကတော့ သီးသန့် အိမ်ခွဲနေမယ် ပြောပြီး
အိမ်ထောင် ပြုပြီးမှ ယောက္ခမအိမ်မှာ နေရပါတယ် …မိသားစု
ကလဲများ လင်ရှာတဲ့ ပိုက်ဆံကျ မကိုင်ရ မသုံးရနဲ့ ယောင်းမ
တွေကလဲ ဆိုးမှဆိုးပါ …သည်း မခံနိုင်တဲ့အဆုံး ကျမ ဆင်းလာ
ပါတယ်…( အဲ့ဒါ မယားစရိတ် ကလေး စရိတ် ) ရလိုပါတယ်ရှင် …
( စသဖြင့် စသဖြင့် ) ပြဿနာပေါင်းစုံ ကြုံတွေ့နေရတဲ့ လင်မယား
တွေ ဒု နဲ့ ဒေး ပါ … မယားတွေရဲ့ စိတ်မှာ လင်ယူတယ် ဆိုတာဟာ
အားကိုးရှာတာ… ( တနည်းအားဖြင့် ) လုပ်ကိုင် ကျွေးမွေးမယ့်
သူရှာတာပေါ့ …ကောင်း နေတုန်း ကတော့ အေးဆေး ( အဲ့ )
ကွိုင်တစ်ခုခု ဖြစ်လာ ပြီဆိုရင် မယားတွေက မယားစရိတ်
ကလေးစရိတ် တောင်းမယ် ချည်လုပ်တော့ တာသဘာဝ …
( ဆိုတော့ကာ ) ???? အထက်က မေးခွန်းတွေ ဖြေပေး
ရမယ်ဆိုရင် …( ကျား ) နဲ့ ( မ ) သူချစ် ကိုယ်ချစ် / မိဘ ပေးစားလို့
စသဖြင့် အိမ်ထောင်ပြု ကြတာပါ …
အိမ်ထောင် ရက်သားကျ တစ်ခုခု အဆင်မပြေ လင်သားက အိမ်ကဆင်း
သွားတော့မှ ( သူမပေါင်း ချင်လို့ ဆင်းသွားတာ ) ဘာ ဥပဒေနဲ့မှ
အရေးယူလို့ မရပါဘူး … ဘေးပယောဂ တွေကြောင့် ယူရတာမှ
မဟုတ်တာ / ဘယ်သူကမှ မိမိ လည်ပင်းကို ဓားမိုးပြီး ယူခိုင်းတာလဲ
မဟုတ်တဲ့အတွက် အဖြေကတော့
( no bar ) ပါပဲ …
( ဒါဆို )
ကျမတို့က မိန်းမသား / ဒင်းကို အားကိုးလို့ / ဒင်း ရှာစာ စားချင်လို့
ယူတာ / ခုတော့ ကျမမှာ ကလေးတွေနဲ ဒုက္ခပေါင်းစုံ ရောက်လို့ / ဒင်း
ကတော့ ဘယ်ဆီ ဘယ်ဝယ် ရောက်နေလဲ မသိ ( ဘယ်နှယ့် လုပ်ရပါ့ )
( ဟုတ်ကဲ့ )
လင်ဖြစ်သူက ကျိူးကြောင်း ညီညွတ်တဲ့ အကြောင်းပြချက် မရှိဘဲနဲ့ နေ
အိမ်က စွန့်ခွာသွားရင် မယားက တရားရုံးမှာ မယားစရိတ် ကလေးစ
ရိတ်ရလိုမှု့ စွဲနိုင်ပါတယ် …
မယားစရိတ် / ကလေးစရိတ် စွဲလို့ရတယ် ဆိုပေမယ်လို့ အောက်ပါအ
ခြေအနေတွေမှာ ဆိုရင်တော့ မယားစရိတ် ကလေးစရိတ် ပေးဖို့ လင်ဖြစ်
သူက ငြင်းဆန်ခွင့် ရှိပါတယ် …
( 1 ) ကျိူးကြောင်း ညီညွတ်မှု့မရှိတဲ့ အကြောင်းပြချက်နဲ့ နေအိမ်က
နေ မယားက စွန့်ခွာခဲ့ရင် …
( 2 ) လင်ယောကျာင်္း ထားတဲ့အရပ်မှာ မနေရင် …
၎င်း ၂ ချက်နဲ့ ငြိစွန်းခဲ့ရင် မယားဖြစ်သူက တောင်းဆိုခွင့် မရှိပါဘူး …
( မယားစရိတ် ကလေးစရိတ် ဘယ်လို ပေးသလဲ မပေးရင်ရော
ဘာဖြစ်မလဲ ) ???
မယားစရိတ် / ကလေးစရိတ်ကို လင်ယောကျာင်္းရဲ့ ဝင်ငွေပေါ်မူတည်
ပြီး တရားသူကြီးရဲ့ ဆင်ခြင်တုံ တရားအရ ဆုံးဖြတ်ပေးတဲ့ ငွေကို လ
စဉ်ပေးရပါတယ် ( အများအားဖြင့် ၅၀၀၀၀ /- ကျပ် ) စီ ပါ …
( ဟာ !! ကျုပ်တောင် အလုပ်မရှိလို့ မိဘအိမ် ကပ်စားနေတာ မပေး
နိုင်ပါဘူးဗျာ ) လို့ လာမပြောပါနဲ့ ( မပေးရင် ) ထောင်ကျပါမယ် …
မြန်မာစကားမှ စားစရာ မရှိ / လျော်စရာ ရှိလတ္တံ ဆိုတာ မယားစရိတ်
ကလေးစရိတ် ပေးရခြင်းကို ဆိုလိုတာပါ …
ကလေး သူ့ဘာသူ ရပ်တည်နိုင်တဲ့ အရွယ်ထိ ပေးရပါတယ် …
( ကိုင်း ဒီလောက်တောင် လိုချင်နေလဲ ကျုပ် ဘုန်းကြီးအပြီး ဝတ်မယ်
ဗျာ ) ပြောမလား ??? ဝတ်လေ / ဝတ်လဲ တရားရုံး ကနေတောင်းမှာ
ပဲ …ပေးနိုင်ရင်ပေး မပေးနိုင်ရင် လူထွက် ( ထောင်ချမှာပဲ )…
တစ်ခုသိစေချင်တာက …လင်မယား ကွာရှင်းပြီး သွားရင်တော့
မယားစရိတ် မရတော့ပါဘူး …ကလေးစရိတ် ကတော့ ရနေမှာ
ဖြစ်ပါကြောင်း မယားစရိတ် ကလေး စရိတ်လိုသူ အိမ်ထောင်
ရှင်မများ အတွက် တင်ပြလိုက် ရပါတယ် …
( လေးစားလျက် )
Related Posts
"ကာမကိုလိမ်လည်ရယူမှု"
ကိုဖြူ ။ ။ “ရာဇသတ်ကြီးကိုပြင်ဆင်သည့်ဥပဒေ”မှာ ပုဒ်မ -၄၁၇တစ်ခုတည်းကိုပဲ ပြစ်ဒဏ် (၁)နှစ်က(၃)နှစ်တိုးမြှင့်လိုက်တာတွေ့ရတယ်။ ဘာမှုလဲ ဆရာ။ ဘာကြောင့်ပြစ်ဒဏ်တိုးရတာလဲ။ယူတီကေ ။ ။ ကိုဖြူမေးတဲ့ပုဒ်မ (၄၁၇) က လိမ်လည်မှုအတွက်ပြစ်ဒဏ်ဖြစ်တယ်။ ပုဒ်မ ၅၁၁ပါတဲ့ရာဇသတ်ကြီ...
လင် နှင့် မယား ကွာရှင်းခြင်း
ကွာရှင်းပြတ်ဆဲခြင်းမှာ-မြန်မာ ဗုဒ္ဓဘာသာများကွာရှင်းပြတ်ဆဲခြင်း၊ အစ္စလာမ်ဘာသာများကွာရှင်းပြတ်ဆဲခြင်း၊ ဟိန္ဒူဘာသာများ ကွာရှင်းပြတ်ဆဲခြင်း၊ ခရစ်ယာန်ဘာသာများကွာရှင်းပြတ်ဆဲခြင်း တို့ဟာ တစ်ခုနဲ့တစ်ခု မတူညီကြပါဘူး . . .- ဗုဒ္ဓဘာသာများကွာရှင်းခြင်းဗုဒ္ဓ...
မြန်မာ့ဓလေ့ထုံးတမ်း ဥပဒေပါ တရားဝင်ကွာရှင်းမှု
ဒီလိုကွာရှင်းမှုဟာ တရားဝင်ကွာရှင်းမှု ကွာရှင်း မှုဖြစ်လို့ နှစ်ဦးသဘောတူရင်လုံ လောက်ပြီလို့ ဆိုကြပါတယ် ။ ဒါပေမဲ့ တစ်လင်တစ်မယားဥပဒေ ပေါ် လာပြီး နောက်ပိုင်းမှာ ဒီလိုကွာရှင်ပြီးမှာ တစ်ယောက်ယောက်က နောက်အိမ်ထောင်ပြုရင် နောက်တစ်ယောက် က အမှုဖွင့် အာမခံတ...