အတိုး ၊ အရင်း မပေးနိုင် သေးလို့ ငွေရှင်က တရားစွဲမည် ဆိုလျှင် ဘယ်ပုဒ်မနှင့် စွဲနိုင်သလဲ /
မေးခွန်း - ကျွန်တော် ငွေချေး ထားတာ ရှိပါတယ် ။
အတိုးနဲ့ပါ အတိုးတွေလည်း ပေးခဲ့ ရပါတယ် အခု
အတိုးရော အရင်းပါ မပေး နိုင်သေးပါ ငွေရှင်က
တရားစွဲမယ် ပြောပါတယ် ဘာပုဒ်မနဲ့ စွဲနိုင်ပါလဲ ။
စွဲရင် ဘယ်လို ဖြစ်နိုင် ပါသလဲ ။ ဘာတွေ ကြိုတင်
ပြင်ဆင် ထားသင့် သလဲ ။
အဖြေ - ကိုယ်က ငွေပေးရန် ရှိတဲ့သူဆိုရင် ငွေပေးဆပ်
နိုင်အောင် ကြိုးစားဖို့က ပထမပါဘဲ ။ အတိုးကို မဆပ်
နိုင်လို့ အရင်းကို ဘယ်လို ဆပ်ပါရစေ ၊ ကိုယ်ဘယ်လို
ပြန်ဆပ် နိုင်တယ် ဆိုတာကို ငွေရှင်အား ရှင်းပြ ပြောဆိုပါ။
ကိုယ်တတ် နိုင်တာကို ကိုယ်ပေးနိုင်တာကို ရိုးသား
ပွင့်လင်းစွာ ညှိနှိုင်းပါ ။ ထိုသို့ ပြောဆို သည့်အခါ တစ်ဖက်
ငွေရှင်ဖြစ်သူက လက်မခံ နိုင်ကြောင်း ပိုက်ဆံကို ချက်ခြင်း
အကုန်ပြန်ရချင် ကြောင်းပြော ဆိုပြီး မိမိ၏ ညှိနှိုင်းချက်ကို
လက်မခံလျှင် မိမိတတ် နိုင်သည့် ကိစ္စမရှိတော့ဟု ဆိုရမည်
ဖြစ်ပါသည် ။ မိမိသည် သူတစ်ပါး၏ ငွေကို ရယူထားပြီး
ဖြစ်၍ တတ်နိုင်သည် မတတ်နိုင်သည် ဆိုသည်မှာ အကြောင်း
ပြချက် တစ်ရပ်သာ ဖြစ်နေမည်မှာ မငြင်းနိုင်သည့် ကိစ္စ
တစ်ရပ် ဖြစ်ပါသည် ။ ထိုအခါ ငွေရှင်၏ အခန်းကဏ္ဍ
ပေါ်ပေါက် လာပါသည် ။ ငွေရှင်က အဆိုပါ ပျက်ကွက်မှု
အတွက် မည်သို့ ဆောင်ရွက်မည် ၊ မည်သည့် ပုဒ်မဖြင့်
စွဲဆိုမည်မှာ ၎င်း၏ သဘောဆန္ဒ သာလျှင် ဖြစ်ပါသည် ။
၎င်း၏ စိတ်ဆန္ဒကို ကြိုတင် ခန့်မှန်း၍ မရနိုင်ပါ ။
နည်းလမ်း ( ၃ ) သွယ် ဖြစ်နိုင် ပါသည် ။
( ၁ ) ရာဇဝတ်မှုဖြင့် စွဲဆိုခြင်း
( ၂ ) တရားမမှုဖြင့် စွဲဆို၍ ငွေတောင်းခြင်း
( ၃ ) ရာဇဝတ်မှု ကြောင်း နှင့် တရားမကြောင်းအရ စွဲဆိုခြင်း
တို့ဖြစ် ပါသည် ။ မည်သည့် နည်းလမ်းဖြင့် စွဲဆိုမည် ဆိုသည်
မှာ ငွေရှင်၏ ကိစ္စသာ ဖြစ်ပါသည် ၊ မိမိတတ် နိုင်သည့် ကိစ္စ
မဟုတ်ပါ ။ ဘာပြင်ဆင် ထားရမလဲဟု မေးသူများ ရှိပါသည် ။
ငွေသာ ကြိုပြင်ဆင် ထားပါ တတ်နိုင် သရွှေ့ ဆပ်နိုင်ဖို့ စုဆောင်း
ထားပါ ။ တစ်ဖက် လူက ငွေမရ၍ စွဲခြင်း ဖြစ်ပါသည် ။ အချို့
ငွေချေး ထားသူများ လွယ်လွယ်ပြော ကြပါသည် ။ မပြေလည်
သေးသဖြင့် ပြေလည်လျှင် ပေးပါမည် ဟူ၍ ဖြစ်ပါသည် ။
ထိုစကားသည် လူတိုင်း အလွယ်တစ်ကူ ပြောတတ်သော စကား
မျိုးပင် ဖြစ်ပါသည် ။ အမှန်တစ်ကယ် ဖြစ်သင့်သည်မှာ အခု မိမိ
တတ်နိုင်သမျှ ငွေပမာဏ တစ်ခုကို ပေးအပ်၍ ကျန်ငွေကို
ဘယ်လို ဆပ်မည် ဖြစ်ကြောင်း လက်တွေ့ပြ၍ ယုံကြည်မှုရယူ
သင့်ပါသည် ။
တောင်းပန် ညှိနှိုင်း မရသည့် အဆုံးတွင် ငွေရှင်က မည်သည့်
နည်းလမ်းဖြင့် စွဲဆိုသည် ဖြစ်စေ ၊ မိမိက လိုက်၍ ဖြေရှင်း ရမည်
ဖြစ်ပါသည် ။ ငွေရှင်က ရာဇဝတ် ကြောင်းဖြင့် စွဲသည် ဆိုစေကာမှု
မိမိက သက်သေ အထောက်အထား အပြည့်အစုံဖြင့် ထုချေ
ဖြေရှင်း နိုင်လျှင် ရာဇဝတ်မှုမှ လွတ် နိုင်ပါသည် ။ ထိုသို့ မဟုတ်ဘဲ
လိမ်လည်သည့် သဘော ၊ ယုံကြည်အပ်နှံမှု ဖောက်ဖျက်သည့်
သဘော ပေါ်လွင်နေလျှင် ထိုက်သင့် သော ပြစ်ဒဏ် တစ်ခုခံ
ရမည်ဖြစ်ပါသည် ။ တရားမကြောင်း အရစွဲခံရလျှင် နောက်ဆုံးတွင်
မိမိရယူ ထားသည့် ငွေကို ပြန်ပေး ရမည်သာ ဖြစ်ပါသည် ။
သူတစ်ပါး၏ ငွေကို အလကား လိုချင်၍ ယူကောင်းလျှင် မကောင်းပါ
နောင်သံသရာ တွင်ပင် ပေးဆပ်ရ တတ်ပါသည် ။ ရိုးသားစွာ
ပြောဆိုပြီး ကြိုးစားကာ ပေးဆပ်လျှင် ငွေရှင်များ အနေဖြင့် လက်ခံ
ကြမည် သာဖြစ်၍ သူများ၏ ငွေကို ရယူထားလျှင် ရိုးသား ကြိုးစားစွာ
ပြန်လည် ပေးဆပ်နိုင်ရန် ကြိုးစားပါ ။ ( မှတ်ချက် -မတရား အမြတ်
ကြီးစား တောင်းခံနေသည့် အတိုးငွေ များကိုတော့ ရဲဝင့်စွာငြင်း
ပယ်လိုက်ပါ အရင်းငွေ ကိုတော့ ရိုးသားစွာ ပြန်ဆပ်ပါ ။)
ဥပဒေ အကျိုးဆောင် LL.B group မှကူးယူ ဖော်ပြပါသည် ။
Related Posts
GP/SP နှင့် ပတ်သက်၍ သိထားသင့်သည့် အချက်များ
၁။ "အထူးကိုယ်စားလှယ်လွှဲစာနှင့် အထွေထွေကိုယ်စားလှယ် လွှဲစာများ လုပ်ဆောင်ရာတွင် သိထားသင့်သည့် အချက်များရှိ"အိမ်ခြံမြေရောင်း၀ယ်ရာမှာ ချုပ်ဆိုကြလေ့ရှိတဲ့ အထူးကိုယ်စားလှယ်လွှဲစာ (Special Power) နဲ့အထွေထွေကိုယ်စားလှယ်လွှဲစာ (General Power) တွေ&n...
ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ
နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ)ယခုတစ်လော ဆက်သွယ်ရေးဥပဒေ ပုဒ်မ-၆၆ (ဃ) အစား ခေတ်စားလာသော နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ) နှင့် ပတ်သက်၍ သိရှိနိုင်ပါရန် အချက်အလက်အချို့ကို ပြောပြချင်ပါတယ်။နိုင်ငံတော် အကြည်ညိုပျက်စေမှု ပုဒ်မ-၅၀၅ (ခ...
“အိမ်သုံးလျှပ်စစ်မီတာလျှောက်ထားပုံ”
မိတ်ဆွေတစ်ယောက်က မြေကွက်ကလေးဝယ်လို့ အိမ်အသစ်တစ်လုံးဆောက်ပြီးသွားတော့ အိမ်သုံးလျှပ်စစ်မီတာ တပ်ချင်တာ ဘယ်လို ဆောင်ရွက်ရမလဲလို့ မေးလာတာနဲ့ အိမ်သုံးလျှပ်စစ်မီတာ လျှောက်ထားဆောင်ရွက်ပုံကလေးကို တင်ပြလိုက်ရပါတယ်။ အိမ်သုံးလျှပ်စစ်မီတာကို -မိမိနေထိုင်ရာ မ...