တိုင်တန်းချက်(ဦးတိုက်လျှောက်လွှာ)ကိုသာ အခြေပြု၍ ဖမ်းဝရမ်း ချက်ချင်းထုတ်ပေးသင့်သလား။

ဒေါ်မြမြဝင်းပါ ၄ နှင့် ပြည်ထောင်စုမြန်မာနိုင်ငံတော်ပါ ၂( ၁၉၉၆ ခုနှစ်၊ မြန်မာနိုင်ငံတရားစီရင်ထုံး၊ စာ ၁၈၂) အမှုတွင် 

ဦးတိုက်လျှောက်လွှာကို ရာဇဝတ်ကျင့်ထုံးဥပဒေပုဒ်မ ၂၀၀ အရ စစ်မေးချက် သက်သက်အပေါ် သုံးသပ်၍ စွပ်စွဲခံရသူကို အာမခံရ လူဖမ်းဝရမ်း ထုတ်ဆင့်ရန် မသင့်ကြောင်း အောက်ပါအတိိုင်း ညွှန်ပြခဲ့ဖူးပါသည်။

" မောင်ဇော်ဝင်းနိုင်၏ ဦးတိုက်လျှောက်လွှာနှင့် အစစ်ခံထွက်ဆိုချက်များအရ ဒေါ်မြမြဝင်းတို့အပေါ် ပြစ်မှုဆိုင်ရာဥပဒေပုဒ်မ ၃၆၃/၃၆၅/၃၆၈ တို့အရ အရေးယူရန် အကြောင်းပေါ် ပေါက်ခြင်း ရှိ မရှိ မူလရုံးက သေချာစွာ စုံစမ်းစစ်ဆေးသင့်သည်။ ထိုပုဒ်မများအရ အရေးယူရမည့် ပြစ်မှုများသည် ရဲအရေးပိုင်သော ပြစ်မှုဖြစ်၍ မူလရုံးက ပြစ်မှုဆိုင်ရာကျင့်ထုံးဥပဒေပုဒ်မ ၂၀၂(၁) အရ ဖြစ်စေ၊ ၂၀၂(၂က)အရဖြစ်စေ ဆောင်ရွက်သင့်သည်။ သို့မှသာ ဒေါ်မြမြဝင်းတို့အပေါ် ဝရမ်းထုတ် ဆင့် ဖမ်းဆီးရန် သင့်မသင့် ချိန်ဆနိုင်မည် ဖြစ်သည်။ ပြစ်မှုဆိုင်ရာကျင့်ထုံးဥပဒေ ပုဒ်မ ၂၀၀ အရ တရားလို၏အစစ်ခံထွက်ဆိုချက်တစ်ခုတည်းကိုသာ အခြေပြု၍ တရားခံများကို အရေးယူခြင်းသည် ပေါ့ပေါ့လွယ်လွယ် ဆောင်ရွက်ရာရောက်သည်။ မူလအမှုစစ်တရားသူကြီးက တရားလို၏ အစစ်ခံ ထွက်ဆိုချက်ကို ချက်ချင်း ယုံကြည်ကာ တရားခံများအပေါ် အာမခံရ လူဖမ်းဝရမ်းထုတ်ဆင့်ခြင်းမှာ ပြစ်မှုဆိုင်ရာကျင့်ထုံးဥပဒေပုဒ်မ ၂၀၄(၁)(၂)တို့နှင့် မညီညွတ်ချေ။ 

---

အထက်ပါ စီရင်ထုံးတွင် ရာဇဝတ်ကျင့်ထုံးဥပဒေပုဒ်မ ၂၀၀ စစ်ချက်အရပင် (အာမခံရ)လူဖမ်းဝရမ်းကို ထုတ်ဆင့်ခြင်းမှာ 

ကျင့်ထုံးပုဒ်မ ၂၀၄(၁) နှင့် ၂၀၄(၂)တို့နှင့် မညီညွတ်ကြောင်း ညွှန်ပြပါသည်။

ထိုသို့ဆိုလျှင်

တိုင်တန်းချက်(ဦးတိုက်လျှောက်လွှာ)တစ်ခုကိုသာ အခြေခံ၍

(အာမခံမရသည့်) ဖမ်းဝရမ်း ချက်ချင်း ထုတ်ပေးရန် သင့်မည် မဟုတ်ပါ။

ရာဇဝတ်ကျင့်ထုံးဥပဒေပုဒ်မ ၂၀၂ အရ တိုင်တန်းချက် မှန် မမှန် သိသာရန် ဆောင်ရွက်ပြီးမှ ဝရမ်းထုတ်ပေးရန် သင့် မသင့် ချိန်ဆသင့်ပါသည်။ 

အထက်ပါစီရင်ထုံးတွင် သုံးနှုန်းထားသည့်စကားရပ်ဖြစ်သည့် "ပေါ့ပေါ့လွယ်လွယ် ဆောင်ရွက်ရာ ရောက်သည်" ဆိုသောစကားရပ်ကို လည်း သတိပြုရန်ဖြစ်ပါ သည်။ 

---

လေးစားမှုဖြင့် 

Credit-Originထွန်းမျိုးဌေး

၁၆-၂-၂၀၂၁

အခြား စိတ်ဝင်စားစရာ ဆောင်းပါးများ

• “GP/SP နှင့် ပတ်သက်၍ သိထားသင့်သည့် အချက်များ”
• ခေတ်စားလာသော နိုင်ငံတော်အကြည်ညိုပျက်စေမှုအချက်အလက်များ
• “အိမ်သုံးလျှပ်စစ်မီတာလျှောက်ထားပုံ”
• "ရဲစခန်းကိုအမှုတိုင်မယ်ဆိုရင် နှုတ်နဲ့တိုင်ရသလား၊ စာဖြင့်ရေးပြီးတိုင်ရသလား၊ဒီစာကိုမရေးတတ်ဘူး ဆိုရင်ဘယ်သူ့ကိုရေးခိုင်းရမလဲ" လို့ပြည်သူတစ် ယောက်ကမေးလာပါသည်။အမေးနှင့်ပတ်သက်၍ အောက်ပါအတိုင်းဖြေကြားအပ်ပါသည်။
• ဆရာ တရားရုံးကချေလွှာတင်သွင်းရမယ်ပြောတယ် ချေလွှာဆိုတာ ဘာလဲ ချေလွှာအကြောင်းသိပါရစေ။ ချေလွှာနှင့် ပတ်သက်၍ သိထားသင့်သည့်အချက်များ။
• ကိုယ်စားလှယ်လွှဲစာ(S.P / G.P) များအကြောင်း သိမှတ်ဖွယ်ရာနှင့် သတိပြုဖွယ်ရာများ။
• GP ( General Power )
• “အိမ်မွေးတိရစ္ဆာန်မွေးမြူခြင်း နှင့် စီမံခန့်ခွဲရေးဆိုင်ရာစည်းကမ်းများ
• မြေဧက တွက်နည်း
• အကြောင်းကြားနို့တစ်စာ