အမွေရှင်က သူတစိမ်းအားအမွေပစ္စည်းအားလုံးကိုပေးကမ်းခြင်း
15-Aug-21
အမွေ ဆိုင်ရာ
မြန်မာဓလေ့ထုံးတမ်းဥပဒေ- ပဋိညာဉ်ဥပဒေပုဒ်မ ၂၃ ပါ “ ဥပဒေ ” ဆိုသောစကားရပ်- မြန်မာနိုင်ငံတရား ဥပဒေများ ဆိုင်ရာဥပဒေပုဒ်မ ၁၃ (၁) - မြန်မာဗုဒ္ဓဘာသာဝင်များအကြား အငြင်းပွားနေသော အမွေဆက်ခံသည့် ကိစ္စနှင့်စပ်လျဉ်းသည့်ဓမ္မသတ်ပါ ပြဋ္ဌာန်းချက်များသည် ဥပဒေဖြစ်သည့်အလျောက် ယင်းဥပဒေနှင့် ဆန့်ကျင် သော ပဋိညာဉ်အရပ်ရပ်သည် ပဋိညာဉ်အက် ဥပဒေပုဒ်မ ၂၃ အရ ပျက်ကွက်ခြင်း ရှိ မရှိ။
အမွေရှင်က သူတစ်စိမ်းအား အမွေပစ္စည်းအားလုံးကို ပေးကမ်းခြင်းသည် ပျက်ပြယ်ခြင်း ရှိ မရှိ ၊ ကင်းဝန်မင်းကြီး ဦးကောင်းပြုစုသောဓမ္မသတ် ၃၆ စောင်တွဲ ၊ အခန်း၈ ၊ပုဒ်မ ၇၅။
ဆုံးဖြတ်ချက်။ ။ ပဋိညာဉ်အက်ဥပဒေပုဒ်မ ၂၃ ပါ “ ဥပဒေ ” ဆိုသော စကားရပ်သည် ပြဋ္ဌာန်းဥပဒေကို သာဆို လိုကြောင်း ယင်းပုဒ်မ၌ အတိ အလင်းပြဋ္ဌာန်းထားခြင်းမရှိချေ။ မြန်မာဓလေ့ထုံးတမ်း ဥပဒေသည် ဥပဒေဖြစ် ကြောင်း၊ အများသိရှိလက်ခံထားပြီးဖြစ်သည်။ထို့ပြင် ထိမ်းမြားလက်ထပ်မှု၊အမွေဆက်ခံမှု အစရှိသည့်ပြဿနာ များ နှင့်စပ်လျဉ်း၍ ကာယကံရှင် မြန်မာ- ဗုဒ္ဓဘာသာဝင်များအကြား အငြင်းပွားမှု ပေါ်ပေါက်လျှင် မြန်မာ ဓလေ့ ထုံးတမ်းဥပဒေနှင့်အညီ အဆုံးအဖြတ် ပေးရမည်ဟု မြန်မာနိုင်ငံတရားဥပဒေများ ဆိုင်ရာ အက်ဥပဒေပုဒ်မ ၁၃(၁) တွင် အတိ အလင်းပြဋ္ဌာန်းထားသည်ဖြစ်ရာ အမွေဆက်ခံသည့်ကိစ္စနှင့် စပ်လျဉ်းသော ဓမ္မသတ်ပါ ပြဋ္ဌာန်း ချက် များသည် ဥပဒေဖြစ်သည့်အလျောက် ယင်းဥပဒေနှင့်ဆန့်ကျင်သော ပဋိညာဉ်အရပ်ရပ်သည် ပဋိညာဉ်အက် ဥပဒေပုဒ်မ ၁၃ အရ ပျက် ပြယ်သည်ဟု ကောက်ယူရပေမည်။
ထပ်မံဆုံးဖြတ်ချက်။ ။ အမွေရှင်က သူတစိမ်းအား အမွေပစ္စည်းအားလုံးကို ပေးကမ်းခြင်းမှာ ပျက်ပြယ်ခြင်းရှိ မရှိ ဓမ္မသတ်များ၌ ပြဋ္ဌာန်းထားခြင်းမရှိချေ၊၊ကင်းဝန်မင်းကြီး ဦးကောင်းပြုစုသော ဓမ္မသတ် ၃၆ စောင်တွဲ အခန်း ၈၊ ပုဒ်မ ၇၅ ၌ ဖော်ပြထားသော ဓမ္မသတ်များသည် မိဘဖြစ်သူက သားသမီးတို့အား ပစ္စည်းပေးကမ်းခြင်းနှင့် သက်ဆိုင်သည်။ ဦးနာဂနှင့် အခြားသူများနှင့် မောင်လှအမှုတွင် ဓမ္မသတ်များအရ မိဘဖြစ်သူက အမွေပစ္စည်း အားလုံးကို သားသမီးတစ်ဦးအား ပေးကမ်းခြင်းသည် ပျက်ပြယ်အတည်မဖြစ်ဟုဆိုလျှင် သူတစိမ်းအား အမွေအား လုံး ကို ပေးကမ်းခြင်းသည်လည်း အလားတူပျက်ပြယ်ရမည်ဖြစ်ကြောင်း ထုံးဖွဲ့ထားသည်ကို တွေ့မြင်နိုင်သည်။
ဒေါ်လွန်းပါ (၅)နှင့် ဒေါ်သိန်းရင် ၁၉၉၁ ခုနှစ်၊ မြန်မာနိုင်ငံတရားစီရင်ထုံးများ၊ စာ- ၁၄၉ ။
အခြား စိတ်ဝင်စားစရာ ဆောင်းပါးများ
- 'နောက်အိမ်ထောင်ပြုလိုက် ရင် ပထမအိမ်ထောင်က အမွေရပိုင် ခွင့် ရှိပါသေးသလား'
- မိဘအမွေ မဆက်ခံနိုင်သည့်သားသမီးများ
- သတင်းစာထဲတွင် သား/သမီး အဖြစ် အမွေပြတ်စွန့်လွှတ်ခြင်းဟာ တရားဝင်ပါသလား။
- ကွယ်လွန်သွားသည့်ပိုင်ရှင်၏ အိမ် နှင့် မြေ သို့မဟုတ် မြေကွက်ကို အမွေဆိုင်များက ရောင်းချခြင်း၊ငှားရမ်းခြင်း ပြုလုပ်လိုပါက လိုက်နာဆောင်ရွက်ရန် နည်းလမ်း
- ဘိုးဘွားပိုင် ဉယာဉ်ခြံ မြေ
- မိဘများက သေဆုံးသူသားသမီး၏ အမွေကို အမွေဆက်ခံခြင်းအကြောင်း
- အမွေဆိုင်အိမ်ခြံမြေကို တစ်ဦးတစ်ယောက်တည်းသဘောဆန္ဒအရရောင်းချလိုက်လျှင်အခြားအမွေဆိုင်များက မည်သို့ဆောင်ရွက်ရမည်နည်း။
- မြန်မာ့ဓလေ့ထုံးတမ်းဥပဒေမှာ အမွေဆက်ခံရေးနဲ့ပတ်သက်ပြီး သြရသ ၊ ကနိဋ္ဌ ၊ ကတ္တိမ၊ အပတိဋ္ဌ ၊ ကိဠိတ ၊ သွာနုတ္တ စသည့်သားသမီးများအကြောင်း
- မိဘနှစ်ပါး ကွယ်လွန်ချိန်တွင် အမွေဆက်ခံပိုင်ဆိုင်ကြောင်း ကြေညာစာချုပ်ချုပ်ဆိုခြင်း
- မောင်နှမ(၃)ယောက်ကဘယ်လိုပြန်ပြီး ပိုင်ဆိုင်ဖို့ ကြိုးစားရမလဲ
Related Posts
ပိုင်ဆိုင်မှုမှန်သမျှ သမီးအမည်ပေါက်နဲ့ လုပ်ထားပါတယ် သမီးလေးဆုံးပါးသွားတော့ သားမက်ဖြစ်သူက သူ့အိမ်ပိုင်ဆိုပြီး ခြိမ်းခြောက်မူ ဒီကိစ္စမှာ ဥပဒေအရ ဘယ်လိုအကာအကွယ်ပေးနိုင်မလဲ
ကျွန်တော့မှာ သားသမီး ၆ ယောက်ရှိပါတယ် ။ သမီးလေးက တစ်ယောက်ထဲပဲ ပါလို့ ပိုင်ဆိုင်မှုမှန်သမျှ သမီးအမည်ပေါက်နဲ့ လုပ်ထားပါတယ် ။ သမီးကအိမ်ထောင်ကျပြီး မြေးတစ်ယောက်ကျန်ခဲ့ပါတယ် ။ ကံအား လျှော်စွာ သမီးလေးဆုံးပါးသွားခဲ့ရပါတယ် ။ အခုတော့ သားမက်ဖြစ်သူက သူ့အိမ်ပိုင်...
အမွေအကြောင်း
မြန်မာဓလေ့ထုံးထမ်းဥပဒေအရ သေဆုံးသူတွင် ခင်ပွန်း၊ သားသမီး၊ မြေး၊ မြစ်နှင့် ညီအစ်ကို မောင်နှစ်မ စသည့် အမွေဆိုင်များ မကျန်ရစ်လျှင် သေသူ၏ အမွေကို၎င်း၏ မိဘများကဆက်ခံခွင့်ရှိပါသည်။သေဆုံးသူတွင် ခင်ပွန်း၊ ဇနီး ကျန်ရစ်သော်လည်း သားသမီးထွန်းကားခြင်းမ...
အမွေ
မေးခွန်း(၁)- သာကြီးသြရသသည် မိဘတို့ထက်ဦးစွာ ဆုံးပါးသွားလျှင် ၊ ၎င်း၏သားသမီးများသည် အဖိုးအဖွားတို့ထံမှ အမွေဆက်ခံခွင့် မည်မျှရနိုင်ပါသလဲခင်ဗျာ၊ ( အမွေမမီဖြစ်၍ အဖေသြရသ သားကြီးခွဲတမ်းမှ ၄ပုံ၊ ၁ပုံသာရမည် ဆိုသည်မှာ ဟုတ်ပါသလားခင်ဗျာ) မေးခွန်း (၂)...
www.yuzanarland.com ဟာ မိတ်ဆွေအတွက်ပါ။
