ပါမစ်မြေအား ဂရန်လျောက်ထားခြင်း

နိုင်ငံတော်အစိုးရက ချလန်ပေးထားပြီးတော့မှ မြေချပါမစ်ထုတ်ပေးတာ ဖြစ်ပါတယ်။

မြေချပါမစ်က သုံးစုံ ရှိပါတယ်။

တစ်စုံကို ပိုင်ရှင်အားပေးပြီး ကျန်နှစ်စုံကိုသက်ဆိုင်ရာဌာနက သိမ်းထားပါတယ်။

ပိုင်ရှင်ထံရှိ တစ်စုံမှာ ပိုင်ရှင်၏ ဓာတ်ပုံ တစ်ပုံ၊ ဝန်ခံကတိပြုတဲ့စာရွက်သုံးရွက် ပါရှိပါတယ်။

ဒီအချက်အလက်လေးတွေ စုံလင်စွာပါရှိရင်တော့ ပါမစ်မြေကို အရောင်းအဝယ်ပြုလုပ်လို့ရပါတယ်။

ပါမစ်မြေအား ဂရန်လျှောက် တော့မယ်ဆိုရင်တော့ ပိုင်ရှင်ဆီမှာရှိတဲ့ ပါမစ်စာရွက်စာတမ်း အပြည့်အစုံကို ဌာနကို ပြန်အပ်ပြီးမှသာ ဂရန်လျှောက်ထားလို့ရမှာ ဖြစ်ပါတယ်။

အမည်ပေါက်ပိုင်ဆိုင်သူထံမှတစ်ဆင့်၀ယ်ယူသူဖြစ်ပါက-

အမည်ပေါက်ပိုင်ဆိုင်သူထံမှ တစ်ဆင့်ဝယ်ယူထားသည့် အရောင်းအဝယ်ကတိစာချုပ်၊ဆက်ခံပိုင်ဆိုင်ကြောင်းစာချုပ်

သက်ဆိုင်ရာ မြေယာကော်မတီသို့ မြေယာဖော်ထုတ်စရိတ် နှင့် မြေယာစီမံခန့်ခွဲခွင့်စရိတ်ပေးသွင်းထားသည့် ငွေသွင်းချလန်မူရင်း နှင့်မိတ္တူ

အမည်ပေါက်ပိုင်ဆိုင်သူ၏ နိုင်ငံသားစိစစ်ရေးကတ်ပြား မူရင်းနှင့်မိတ္တူ၊ အိမ်ထောင်စုစာရင်း မူရင်းနှင့်မိတ္တူ

ဝယ်ယူသည့်မြေ (သို့မဟုတ်) မြေ နှင့် အဆောက်အဦးအတွက် ရှေ့၊ နောက်၊ဘေး၂ဖက် စုစုပေါင်း ဓာတ်ပုံ ( ၄ ) ပုံ အစရှိသည့် အချက်အလက် များ ဂရန်လျှောက်ထားရာတွင် လိုအပ်ပါသည်။

အထူးသတိပြုရမည့် အချက်ကတော့ မြေကွက် မဝယ်မီ သက်ဆိုင်ရာ ဌာနမှာ ပိုင်ဆိုင်မှုအထောက်အထားမှန်မှန် စစ်ဆေးပြီးမှသာ စရံငွေ ပေးချေခြင်း၊ဝယ်ယူခြင်း ပြုလုပ်သင့်ပါသည်။

မိတ်ဆေွတို့အနေနဲ့ မြေပိုင်ဆိုင်မှု နှင့် ဝင်ငွေရလမ်း အထောက်အထားပြရုံဖြင့် နှစ်ရှည်အရစ်ကျ စနစ်နဲ့ အိမ်၊ အဆောက်အဦးများ ေဆာက်လုပ်နိုင်ပါပြီ။

Credit-OriginalUploder