Advertise here!

တရားဝင်ပိုင်ဆိုင်မှု

တရားဝင်ပိုင်ဆိုင်မှု
“၁၀ ပေ x ပေ ၆၀ မြေကွက် တွေ အဝယ်လိုက်နေတယ် ဆရာ၊ အဲဒါ တရားဝင်ပိုင်ဆိုင်မှုရှိပါသလား” ဟု မိတ်ဆွေတစ်ဦး၏ သားဖြစ်သူက စာရေးသူထံ လာရောက်ဆွေးနွေးတိုင်ပင်ခြင်းဖြစ်ပါသည်။
“မြေကွက်ကတော့ ခွဲစိတ်လို့ မရဘူး။ ဒါပေမယ့် တရားဝင်ပိုင်ဆိုင် ခွင့်ရအောင်တော့ ဆောင်ရွက်လို့ရပါ တယ်”
“မြေကွက် ခွဲစိတ်လို့ မရဘူးဆိုတာက ဘာကိုဆိုလိုတာလဲ ဆရာ”
“ရန်ကုန်မြို့တော် စည်ပင်သာ ယာရေးကော်မတီရဲ့ လုပ်ထုံးလုပ် နည်းဆိုင်ရာ နည်းဥပဒေအရ ၁၂၀၀ စတုရန်းပေရှိတဲ့ မြေကွက်အဖြစ်သာ မြေကို ခွဲစိတ်ပေးနိုင်မှာ ဖြစ်တယ်။ ဧရိယာစတုရန်းပေ ၁၂၀၀ အောက် မြေကွက်အဖြစ် မြေကို ခွဲစိတ်ပေးနိုင် မှာ ဖြစ်တယ်။ ဧရိယာစတုရန်းပေ ၁၂၀၀ အောက် မြေကွက်အဖြစ် မြေ ကို ခွဲစိတ်ပေးခွင့်မရှိဘူး။ ဒါကြောင့် ၁၀ ပေ x ပေ ၆၀ မြေကွက်ဟာ ဧရိယာစတုရန်း ပေ (၆၀၀) သာရှိတဲ့ အတွက် မြေခွဲဝေပြီး မြေပုံမထွက်ပါ ဘူး။ ဂရန်လည်း မထွက်ပါဘူး””
“ဒါဆိုရင် အနည်းဆုံးမြေ ဧရိယာ စတုရန်းပေ ၁၂၀၀ ရှိရမယ် ဖြစ်လို့ ပေ ၂၀ x ပေ ၆၀ မြေကွက်တော့ ခွဲစိတ်အမည်ထွက်နိုင်တာပေါ့”
“မှန်ပါတယ်။ ဒါကြောင့် မူလ ဂရန်မြေ ပေ ၄၀ x ပေ ၆၀ မြေကွက်တွေကို ပေ ၂၀ x ပေ ၆ဝအဖြစ် နှစ်ကွက်ခွဲစိတ်ပြီး ရောင်းချကြပါတယ်။ ဥပဒေနဲ့ ညီညွတ်တဲ့အတွက် ဂရန်ကိုလည်း နှစ်ကွက်ခွဲပြီး မြေ ကွက်နံပါတ်တစ်ခုစီအဖြစ် ခွဲထွက်ထုတ်ပေးပါတယ်”
“ပေ ၂၀ x ပေ ၆၀ မြေကွက် ကို တရားဝင် ခွဲစိတ်လို့မရရင် ခွဲစိတ် ပြီး ရောင်းချတဲ့ မြေကွက် ၁၀ ပေ x ပေ ၆၀ ဟာ ပေ ၂၀ x ပေ ၆၀ ဂရန်မြေကွက်ထဲမှာပဲ ရှိနေမှာပေါ့”
“ဟုတ်ပါတယ်။ မြေကို ခွဲစိတ် လို့ မရတဲ့အတွက် ဝယ်သူရဲ့ အမည်လည်း ပေါက်မှာ မဟုတ်ပါဘူး”
“ပေ ၂၀ x ပေ ၆၀ ဂရန် အမည်ပေါက်အနေနဲ့ပဲ ရှိိနေမှာလား ဆရာ””
“မှန်ပါတယ်။ မူလဂရန် အမည်ပေါက်ဆီက ဝယ်ထားပေမယ့် ဂရန်အမည်မပြောင်းထားတဲ့ မြေကွက်တွေဆိုရင် အခက်အခဲတွေ့နိုင်တာပေါ့”
ဆရာပြောတာက ဂရန်အမည် ပေါက်ဆီမှတစ်ဆင့် ဝယ်ထားတဲ့ကိစ္စမျိုးလား ဆရာ၊ ဘယ်လိုပါလဲ”
“ဥပမာပြောရရင် ပေ ၂၀ x ပေ ၆၀ မြေကွက်ကို မူလဂရန်အမည် ပေါက်ဆီမှ တစ်ဦးတစ်ယောက်က ဝယ်ထားမယ်။ ဒါပေမယ့် ပိုင်ရှင် အမည်ပေါက် ပြောင်းမထားဘူး”
“အရပ် စာချုပ်နဲ့ ဝယ်တဲ့ သဘောပေါ့”
“ဟုတ်ပါတယ်။ အဲဒီ ပုဂ်္ဂိုလ်က နောက်တစ်ဦးကို ထပ်ရောင်းမယ်။ ဒုတိယအကြိမ်ဝယ်သူကလည်း မြေ အမည်ပေါက်မပြောင်းဘူး။ ဒါပေမယ့် သူက ငွေလိုတယ်ဆိုပြီး ပေ ၂၀ x ပေ ၆၀ မြေကွက်ကို ၁၀ ပေ x ပေ ၆၀ မြေခွဲရောင်းတယ်။ အဲဒီမှာတော့ ၁၀ ပေ x ပေ ၆၀ မြေကွက် ဝယ်သူအနေနဲ့ တရားဝင်ပိုင်ဆိုင်မှု အတွက် အခက်အခဲရှိလာနိုင်တာပေါ့”
“ရောင်းသူကိုယ်တိုင်ကလည်း ဂရန်အမည်မပေါက်ဘူးမို့လား။ အရပ်စာချုပ် အဆင့်ဆင့်နဲ့ပဲ ဝယ်ခဲ့ကြတာ မဟုတ်လား”
“လက်ရောက်ရယူ နေထိုင်ကြတာဖြစ်တဲ့အတွက် အချင်းချင်းပြေလည်နေကြမယ်။ အမွေဆက်ခံခွင့်တွေ အငြင်းပွားမှုမရှိကြဘဲ ပြဿနာတစ်စုံတစ်ရာမဖြစ်ရင်တော့ အဆင်ပြေနေတာပေါ့။ ဒါပေမယ့်အကြောင်း တစ်ခုခုကြောင့် မြေပိုင်ဆိုင်မှုတစ်စုံ တစ်ရာ အငြင်းပွားမှုဖြစ်လာရင်တော့ ဥပဒေနဲ့အညီ မှတ်ပုံတင်အရောင်း အဝယ် စာချုပ် ချုပ်ဆိုထားတာ မဟုတ်လို့ အရှုပ်အထွေးကို ဖြေရှင်း ရမှာ ဖြစ်ပါတယ်”
“ဒီလို ဆရာရယ်။ ကျွန်တော့် ဇနီးဘက်က ဆွေမျိုးနီးစပ်တော်တယ် ဆိုပါတော့”
“အင်း – ဆက်ပြောပါဦး”
“သူ့အမေက ခုနစ်ဆယ်ကျော်နေပြီ။ ဒူးကလည်း နာနေတော့ အခုနေတဲ့ ငါးထပ်တိုက်ခန်းကို တက်ဖို့ အခက်အခဲဖြစ်လာတယ်။ ဒါနဲ့ မြေနဲ့ အိမ်ဝယ်ဖို့ စိတ်ကူးတာ ဆရာ”
“ကောင်းတာကတော့ ပေ ၂၀ x ပေ ၆၀ မြေကွက်ကို ဝယ်သင့် တယ်လို့ အကြံပြုချင်တယ်”
“ငွေကြေးကလည်း အကုန်မသုံးချင်ဘူး ဆရာ။ တိုက်ခန်းကိုရောင်းပြီး ဝယ်ရမယ်ဆိုတော့ သူတို့လည်း စဉ်း စားတယ် ထင်ပါတယ်။ အမေကြီးရဲ့ ကျန်းမာရေးကလည်း ရှိသေးတယ်”
“မှန်ပါတယ်။ အိုနာစာဆိုတာလို ဆေးကုသစရိတ်က စုဆောင်းထားရမယ့် ခေတ်ကာလမဟုတ်လား”
“ဟုတ်ကဲ့ ဆရာ။ ဒါနဲ့ ၁၀ ပေ x ပေ ၆၀ မြေကွက်ပေါ်မှာ နှစ်ထပ် ခွဲတိုက် ဆောက်ထားတာကို မိတ်ဆွေ တစ်ဦးက ခေါ်ပြလို့ သဘောကျသွားတယ် ဆရာ”
“အရောင်းအဝယ်တော့ မဖြစ်သေးဘူး မဟုတ်လား။ ဒဂုံမြို့သစ်မှာလား”
“တောင်ဥက္ကလာဘက်မှာ ဆရာ၊ တိုက်ကလေးကဆောက်ထားတာ မကြာသေးဘူး ဆရာ။ အရောင်းအ ဝယ်ဖြစ်ရင် ဘယ်လို ဆောင်ရွက်ရမယ်ဆိုတာကို ဆရာ့ဆီ တိုင်ပင်တာပါ ဆရာ”
“အစောကပြောသလို ဂရန်မြေလား၊ ပါမစ်မြေလား ပထမဆုံး စိစစ်ဖို့ လိုတယ်”
“ဂရန်မြေတော့ ဟုတ်တယ် ဆရာ။ ကျွန်တော်ကိုယ်တိုင်မူရင်း ဂရန်စာရွက်ကိုကြည့်ခဲ့တယ်။ ပြီးတော့ ဂရန်မူရင်းလည်း ပေးထားမယ် ပြောတယ်”
“ဒါဆိုရင် အခြားကပ်လျက် ၁၀ ပေ x ပေ ၆၀ မြေကွက်က ဘယ်လို ရောင်းထားတယ်လို့ ပြောသလဲ”
“ရောင်းထားတာ မဟုတ်ဘူး ဆရာ။ အဲဒီ အိမ်ဘက်မှာ သူတို့က နေမှာ၊ အခုရောင်းတဲ့ မြေကွက်မှာ တိုက်အသစ်ဆောက်ပြီး ရောင်းတဲ့ သဘောဆရာ”
“ဂရန်အမည်ပေါက် ကိုယ်တိုင်ရောင်းတဲ့ သဘောပေါ့””
“ဟုတ်ပါတယ် ဆရာ”
“ဒါဆိုရင်တော့ တရားဝင် အရောင်းအဝယ်မှတ်ပုံတင် စာချုပ် ချုပ် ထားရင်ပိုပြီး ခိုင်မာပါလိမ့်မယ်”
“၁၀ ပေ x ၆၀ ပေ မြေကွက်နဲ့ အိမ်ကို မှတ်ပုံတင် အရောင်းအဝယ် စာချုပ် ချုပ်ဆိုလို့ရပါသလား ဆရာ”
“ရပါတယ်။ ချုပ်ထားသင့်တယ် ထင်တယ်”
“ဂရန်မူရင်း ပေးထားမယ်ဆိုတော့ အရောင်းအဝယ် မှတ်ပုံတင်စာချုပ် ချုပ်ဖို့ လိုအပ်ပါသေးလား ဆရာ။ အရပ်စာချုပ် ချုပ်ဆိုပြီး လက်ရောက်ရယူထားရင် ဖြစ်တယ် မဟုတ်လား”
“ဆရာအနေနဲ့ကတော့ ဥပဒေနဲ့အညီ ဘယ်လိုဆောင်ရွက်ရမယ်ဆိုတာပဲ အကြံပေးနိုင်တယ်။ ကျန်တဲ့ အပိုင်းကတော့ ဝယ်သူရဲ့ အပိုင်းဖြစ်သွားပြီ။ တချို့ကလည်း တိုက်ခန်းက မြေမပိုင်ဘူး၊ နေပိုင်ခွင့်သာရတာ။ ပေ ၁၀ x ပေ ၆၀ မြေဖြစ်ပေမယ့် မြေနဲ့ အိမ်ကပိုင်ပိုင်နိုင်နိုင်ရှိတယ်ဆို ပြီး ဝယ်နေကြတာ ဖြစ်တယ်”
“အချို့ တိုက်ခန်းတွေက ၁၂ ပေ x ပေ ၅၀ ရှိတဲ့ တိုက်ခန်းတွေလည်း ရှိနေတော့၊ အခုလို မြေနဲ့ နှစ် ထပ် သုံးထပ်ပေါ့ ဆရာ။ တိုက် ကလေးဆိုတော့ နေပျော်တယ်ဆိုပြီး သုံးသပ်ကြတာပေါ့”
“အခုကိစ္စက ဂရန်စာချုပ် မူရင်း ပေးထားမယ်ဆိုလို့ကိုး။ တချို့က ဂရန် စာချုပ် မိတ္တူပဲ ပေးထားတာ မျိုး ရှိတတ်တယ်။ အဲဒါမျိုးဆိုရင် တော့ စာချုပ်စာတမ်းရုံးမှာ ပေ ၂၀ x ပေ ၆၀ မြေကွက်ထဲမှ မခွဲစိတ်ရသေးသော မြေ ၁၀ ပေ x ပေ ၆၀ ကို ဝယ်ယူကြောင်း မှတ်ပုံတင်အ ရောင်းအဝယ် စာချုပ် ချုပ်ဆိုထားသင့်တယ်”
“ခွဲစိတ်လို့ မရဘူးဆိုတော့ မြေ ပုံက ဘယ်လိုဖြစ်နိုင်သလဲ ဆရာ”
“မြေကွက်ကို ရောင်းသူက ဂရန်အမည်ပေါက်ဆိုရင်တော့ ပိုပြီး အဆင်ပြေတာပေါ့။ ဂရန်အမည်ပေါက် ပေ ၂၀ x ပေ ၆၀ မြေကွက်မြေပုံကို အရောင်းမြေပုံထုတ်ပေးရန် သက်ဆိုင်ရာ ရန်ကုန်မြို့တော် စည်ပင် သာယာရေး ကော်မတီ မြေယာဌာနမှာ ဂရန်အမည်ပေါက်ကိုယ်တိုင် လျှောက်ထားရမယ်”
“အရောင်းမြေပုံက ပေ ၂၀ x ပေ ၆၀ မြေကွက်နဲ့ ထွက်လာမှာပေါ့ ဆရာ”
“မှန်ပါတယ်။ အဲဒီ ပေ ၂၀ x ပေ ၆၀ မြေကွက် မြေပုံမှာ ၁၀ ပေ x ပေ ၆၀ မြေကွက်ပုံစံအလယ်မှ မျဉ်းသားပြီး အရောင်ခြယ်ကာ၊ ယင်း အရောင်ခြယ်ထားသော မခွဲစိတ်ရသေးသည့် မြေကွက် ၁၀ ပေ x ပေ ၆၀ ကို ရောင်းကြောင်းမှတ်ပုံတင် စာချုပ်စာတမ်းရုံးမှာ မှတ်ပုံတင် အရောင်းအဝယ်စာချုပ် ချုပ်ဆိုလို့ရပါတယ်”
“ဒါဆိုရင် ဂရန်မူရင်းမရှိသည့် တိုင် ပိုင်ဆိုင်တဲ့ အထောက်အထား စာရွက်စာတမ်းတော့ ပြည့်စုံသွားပြီပေါ့ ဟု ဆွေးနွေးလိုက်ပါသည်။
ထီယု (ဥပဒေအတိုင်ပင်ခံ)
 

Related Posts

ကန်ထရိုက်တိုက်ခန်းဝယ်ယူသည့်အခါ စစ်ဆေးရမည့် အချက်များမှာ-

ကန်ထရိုက်တိုက်ခန်းဝယ်ယူသည့်အခါ စစ်ဆေးရမည့် အချက်များမှာ-

(က) မြေရှင်နှင့်ကန်ထရိုက်တာတို့ အခန်းပေး အခန်းယူ ချုပ်ဆိုသည့်စာချုပ်အရ မိမိအားရောင်းချသည့် တိုက်ခန်းမှာ ၄င်းအကျိုးခံစားခွင့်ရရှိသည့်တိုက်ခန်း ဟုတ်မဟုတ်(ခ) နာမည်ပျက်ရှိသည့် ကန်ထရိုက်တာ ဟုတ်မဟုတ်(ဂ) ငွေကြေးပြည့်စုံသည့် ကန်ထရိုက် ဟုတ်မဟုတ်(ဃ) တိုက်ခန်းအ...

"ဥပဒေအကြောင်းနဲ့မဆိုင်သော်လည်း  အိမ်ခြံမြေရောင်းဝယ်ရာတွင်

"ဥပဒေအကြောင်းနဲ့မဆိုင်သော်လည်း အိမ်ခြံမြေရောင်းဝယ်ရာတွင်

မြန်မာ့ဓလေ့ထုံးတမ်း ဖြစ်သည့်လှည်းဦးတိုက် လှေဦးတိုက် မြေနေရာအကြောင်း ဗဟုသုတအလို့ဌာဖော်ပြပေးလိုက်ပါတယ်။ “လှည်းဦးတိုက်၊ လှေဦးတိုက် အိမ်၊ မြေနေရာမှာ နေသင့်၊ မနေသင့်"မြန်မာ့ရိုးရာ ထုံးတမ်းအစဥ်အလာနည်းမှာရော ဖုန်းရွှေပညာမှာရော အပြောများတဲ့ "လှည်းဦးတ...

ကွက်ရိုက်ရောင်းနေသောဥယျာဉ်ခြံမြေ

ကွက်ရိုက်ရောင်းနေသောဥယျာဉ်ခြံမြေ

အခုအခါမြေကွက်ရိုက်ရောင်းနေသောဥယျာဉ်ခြံမြေများမှာနေအိမ်ဆောက်ခွင့်ရှိမရှိစိတ်ချရသောမြေကွက်များ ဟုတ်ပါသလားသိချင်လို့ပါ ဖြေပေးပါ ကျေးဇူးတင်ပါတယ်။ဥယျာဉ်ခြံမြေဟာ အိမ်ပိုင် မြေအဖြစ် အကွက်ရိုက်ရောင်း လို့ရပါ တယ်။ ရောင်းခွင့်ရဖို့ အတွက် မြေကွက်တည်ရှိရာမြို့နယ...

Download Yuzanar Land's Mobile Apps

Get latest properties in email!

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Copyright © 2020 | All rights reserved by Yuzanar Land Real Estate