စာချုပ်စာတမ်းများမှတ်ပုံတင်ရန်အတွက် တင်ပြသည့်စာချုပ်စာတမ်းနှင့်အတူလိုအပ်သည့်မူရင်းစာရွက်စာတမ်းများ................................................... အရောင်းအဝယ်စာချုပ်.....

(က) ရောင်းသူ/ဝယ်သူနှင့် သက်သေများမှ လက်မှတ်များပြည့်စုံစွာရေးထိုးထားပြီး တံဆိပ်ခေါင်းခွန်ဥပဒေအရ ကပ်နှိပ်ထမ်းဆောင်ပြီးသော အရောင်းအဝယ်စာချုပ်ကို ချုပ်ဆိုသည့်နေ့မှ ရက်ပေါင်း(၁၂၀) အတွင်းသတ်မှတ်ထားသည့်လျှောက်လွှာပုံစံတွင်ရုံးခွန်တံဆိပ်ခေါင်း(၁၀၀)ကျပ်တန်ကပ်နှိပ်၍စာချုပ်ချုပ်ဆိုသူတဦးဦးမှ ကိုယ်တိုင်လာရောက်ရေးထိုးပြီး လျှောက်ထားရမည်

(ခ) ရောင်းသူဝယ်သူနှင့်သက်သေများ၏နိုင်ငံသားစိစစ်ရေးကဒ်(သို့မဟုတ်) မှတ်ပုံတင်ကဒ်(၎င်းကဒ်များပျောက်ဆုံးပျက်ဆီးပါကသက်ဆိုင်ရာမြို့နယ်လဝကဦးစီးဌာနမှူး၏ထောက်ခံချက်) မူရင်းနှင့်မိတ္တူပူးတွဲတင်ပြ၍လူကိုယ်တိုင်လာရောက်ရပါမည်

(ဂ) ရောင်းချသည့်မရွှေ့မပြောင်းနိုင်သောပစ္စည်းအားရောင်းချသူမှ လက်ဝယ်ပိုင်ဆိုင်လျှက်ရှိကြောင်း အထောက်အထားဖြစ်သည့် ဂရန်မူရင်း(သို့မဟုတ်) ဂရန်မူရင်းနှင့်အဆက်အစပ် 

စာချူပ်စာတမ်းမူရင်းနှင့်မိတ္တူယူဆောင်တင်ပြနိုင်ရမည်

(ဃ) 

အရောင်းအဝယ်စာချုပ်တွင် ရောင်းချသည့် မရွှေ့မပြောင်းနိုင်သော ပစ္စည်းတည်ရှိရာကိုဖော်ပြသည့် သက်ဆိုင်ရာဌာနမှ တစ်နှစ်အတွင်း အရောင်းအဝယ်စာချုပ်ချုပ်ဆိုရန် ထုတ်ပေးသောမြေပုံ(၂) ပုံနှင့် မြေရာဇဝင် ပူးတွဲတင်ပြရပါမည်

(င) 

စာချုပ်ပါ အရောင်းအဝယ်ပြုလုပ်သည့် မရွှ့မပြောင်းနိုင်သော ပစ္စည်းစာရင်းအားသက်ဆိုင်ရာကာလတန်ဖိုးစိစစ်သတ်မှတ်ရေးအဖွဲ့က သတ်မှတ်ထားသည့်တန်ဖိုးငွေအပေါ် တံဆိပ်ခေါင်းခွန်|ဝင်ငွေခွန် ထမ်းဆောင်ပြီးကြောင်းသက်ဆိုင်ရာ အခွန်ဦးစီးဌာနမှ ထုတ်ပေးသည့် စာရွက်စာတမ်းများ ပြည့်စုံစွာ တင်ပြနိုင်ရမည်

(စ) 

ရောင်းသူ/ဝယ်သူများ ကိုယ်စား ၎င်းတို့မှ လွှဲအပ်မှတ်ပုံတင်ထားသော ကိုယ်စားလှယ်လွှဲစာရရှိသူမှ ချုပ်ဆိုထားသော အရောင်းအဝယ်စာချုပ်ကို မှတ်ပုံတင်ပေးရန် လျှောက်ထားခြင်းဖြစ်ပါက ကိုယ်စားလှယ်လွှဲအပ်သူ ရောင်းသူ(သို့မဟုတ်) ဝယ်သူများ သက်ရှိထင်ရှားရှိကြောင်းနှင့် ၎င်းကိုယ်စားလှယ်လွှဲစာကို ရုပ်သိမ်းခြင်းမရှိကြောင်း အထောက်အထား ပြည့်စုံစွာ တင်ပြနိုင်ရမည်

လိုအပ်ပါက သက်ဆိုင်ရာတရားရုံးတွင် ကျိမ်ဆိုထားသော တရားရုံး ကျမ်းကျိမ်လွှာ စာချုပ်စာတမ်းမှတ်ပုံတင်ရုံးတွင် ကိုယ်စားလှယ်လွှဲစာ မရုတ်သိမ်းသေးကြောင်းစိစစ်ချက် ပူးတွဲတင်ပြနိုင်ရမည်

Credit-OriginalUploder

အခြား စိတ်ဝင်စားစရာ ဆောင်းပါးများ

• ဂရန်သက်တမ်းတိုးလျှောက်ထားနည်း
• စာချုပ်ရေးပုံရေးနည်း
• စာချုပ်ချုပ်မည်ဆိုလျှင် မှတ်ပုံတင်ကို မစိစစ်ခဲ့သည့် ကိစ္စ
• ကားအမည်ပြောင်းသက်တမ်းတိုးရန်
• လယ်မြေကို ဂရန်မြေအဖြစ်လျှောက်
• ပုံစံ_၇ရှိသောလယ်ယာမြေကိုပေါင်နှံ_ငှားရမ်းခြင်းအတွက်သတိပြုရမည့်အချက်များ
• စာချုပ်ချုပ်မည်ဆိုလျှင် အရှုပ်အရှင်း အလျဉ်းမရှိ ဆိုသည့် ကိစ္စ
• စက်မှုဂရန် လျှောက်ချင်ပါတယ် ဘယ်ကနေစတင်လုပ်ဆောင်ရမှာလဲ သူ့ရဲ့လုပ်ငန်းစဉ်တွေကဘာလဲ
• အသေးစားငွေချေးလိုင်စင်
• အမည်ပေါက်မှန်မမှန်ဘယ်လိုသိနိူင်မလဲ