အိုးအိမ် တိုက်ခန်း တရားဝင် ဝယ်ယူနည်း
မနေ့က ရွှေပေါက် ကံမှာ တိုက်ခန်း အရောင်းဝယ် စာချုပ် ချုပ်ဆို ပေးခဲ့ပါတယ် ။
အမြဲ ဝယ်ယူ နေကျ မိတ်ဆွေ ရင်းပါပဲ။
သူကလည်း အိုးအိမ် တိုက်ခန်း
ဝယ်နေကျ ဆိုတော့ ဘာတွေ လိုအပ်လဲ ဆိုတာ တော်တော်တောင် သိနေပြီ။
ကျနော် စစ်ဆေးရတာ သက်သာ တာပေါ့။
ဒီတော့ မသိသေးတဲ့ သူတွေ ဗဟုသုတ ရအောင်
အိုးအိမ်တိုက်ခန်း တရားဝင်ဝယ်ယူနည်းပြောပြပေးပါမယ်။
အိုးအိမ်က Owner Book နဲ့ ၀ယ်ထားတယ် ဆိုတဲ့ သူဆီကနေ တိုက်ခန်း ပြန်ဝယ် ချင်တာပါ ။ မြောက်ဥက္ကလာ ဘက်မှာပါ
ဘယ်လို အရှုပ်အရှင်းတွေ ရှိနိုင်လဲ ။ မှန်ကန် ခိုင်မာ မှု ရှိ မရှိ ဘယ်လို စစ်လို့ ရမလဲ သိချင်ပါတယ် ။
အိုးအိမ် တိုက်ခန်းကို Owner Book အမည်ပေါက် သူထံမှ ဝယ်မယ် ဆိုရင် အရပ်က တိစာချုပ်နဲ့ ဝယ်လို့ ရပါတယ် ။ " နှစ်ဦးသဘောတူ တိုက်ခန်း အရောင်း အဝယ် ကတိစာချုပ် " ချုပ်ရမှာ ပေါ့ ။
စာချုပ်ပြီး တာနဲ့ တိုက်ခန်းကို အရယူမယ် ။ ကိုယ့်သော့နဲ့ ပြောင်းပြီး ခတ်မယ်။
ပြီးတော့ Owner Book အမည်ပေါက်သူ ကိုယ်တိုင် လိုက်ပြီး မြို့ပြနှင့် အိမ်ရာ ဖွံ့ဖြိုးရေး ဦးစီးဌာန ဗိုလ်ချုပ်လမ်း ရန်ကုန်တိုင်းဒေသကြီးရုံးမှာ လိုက်ပြီး ဆောင်ရွက်ပေးဖို့ လိုပါတယ်။
တစ်ခါတည်း အမည်ပြောင်း လျှောက်လို့ ရတယ်။
အမည်ပြောင်း လျှောက်လွှာတင်ပြီး အဆင့်ဆင့် ဆောင်ရွက် ရပါတယ် ။
Owner Book အမည်ပေါက် ကိုယ်တိုင် မလိုက်နိုင်လို့ နောက်မှ တစ်ဖြည်းဖြည်း အမည်ပြောင်း လျှောက်မယ် ဆိုရင်တော့ တိုက်ခန်း အမည် ပေါက်ထံက Special Power(SP)ဖြစ်စေ ၊ General Power(GP) ဖြစ်စေ ယူထားလိုက်ရင် ရပါတယ် ။
အဲ့ဒီလို ကိုယ်စားလှယ် လွှဲစာယူရင် ရန်ကုန်မြို့ စာချုပ် စာတမ်း မှတ်ပုံတင် ရုံးမှ ခေါ်ပြီး ယူထားတဲ့ လွှဲစာမှ သာလျင် တရားဝင် အတည် ဖြစ်ပါတယ်။
အရှုပ်အရှင်း ရှိ / မရှိတော့ မြောက်ဥက္ကလာပ မြို့နယ် အုပ်ချုပ်ရေးမှူး ရုံးမှာ ပထမ စုံစမ်း သင့်ပါတယ် ။
ဒုတိယ အနေနဲ့ ကတော့ မြို့ပြ နှင့်အိမ်ရာ ဖွံ့ဖြိုးရေး ဦးစီးဌာနမှာ မိမိ လက်ဝယ် ရထားတဲ့ ပိုင်ဆိုင်မှု စာရွက်စာတမ်း များနဲ့ တိုက်ဆိုင်စစ်ဆေး သင့်ပါတယ်။ အိုးအိမ်မှာ ကန့်ကွက် ချက်ကင်း တယ် ။ အရှုပ်အရှင်း ကင်းတယ် ဆိုရင်တော့ ဝယ်လို့ရပါပြီ ၊ ဒါမှမဟုတ် ပိုပြီးသေချာအောင် လူသိရှင်ကြားကြော်ငြာချင်ရင်တော့ မြန်မာ့အလင်း/ကြေးမုံ သတင်းစာတစ်စောင်စောင်မှာ ထည့်လိုက်ပေါ့။
( ၁၄ ) ရက်အတွင်း ကန့်ကွက် ချက်မရှိဘူး ဆိုရင် အပြီး အပိုင် ဝယ်လို့ ရပါတယ် ။
ဝယ်ပြီး အမည်ပြောင်း ရင်လည်း မြေခွန် ဆောင်ရသလို အများကြီး မကုန်ပါဘူး ဆိုတာ ဖြေကြား ပေးလိုက်ပါတယ်။
ဖြေဆိုသူ လွှတ်တော် ရှေ့နေ မောင်ကောင်းဖေ
(Edit အမည်ပြောင်းမယ် ဆိုရင် အစိုးရ
ဘဏ်ကို ငွေသွင်းထားတဲ့ ငွေသွင်း ချလံမူရင်း ကတော့ မပါမဖြစ် လိုပါတယ်
မမေ့မလျော့ တောင်းယူ ထားကြပါ။)
#Crd to owner
Related Posts
ကန်ထရိုက်တိုက်ခန်းဝယ်ယူသည့်အခါ စစ်ဆေးရမည့် အချက်များ
(က) မြေရှင်နှင့်ကန်ထရိုက်တာတို့ အခန်းပေး အခန်းယူ ချုပ်ဆိုသည့်စာချုပ်အရ မိမိအားရောင်းချသည့် တိုက်ခန်းမှာ ၄င်းအကျိုးခံစားခွင့်ရရှိသည့်တိုက်ခန်း ဟုတ်မဟုတ်(ခ) နာမည်ပျက်ရှိသည့် ကန်ထရိုက်တာ ဟုတ်မဟုတ်(ဂ) ငွေကြေးပြည့်စုံသည့် ကန်ထရိုက် ဟုတ်မဟုတ်(ဃ) တိုက်ခန်းအ...
လှည်းဦးတိုက် လှေဦးတိုက် မြေနေရာအကြောင်း
မြန်မာ့ဓလေ့ထုံးတမ်း ဖြစ်သည့်လှည်းဦးတိုက် လှေဦးတိုက် မြေနေရာအကြောင်း ဗဟုသုတအလို့ဌာဖော်ပြပေးလိုက်ပါတယ်။ “လှည်းဦးတိုက်၊ လှေဦးတိုက် အိမ်၊ မြေနေရာမှာ နေသင့်၊ မနေသင့်"မြန်မာ့ရိုးရာ ထုံးတမ်းအစဥ်အလာနည်းမှာရော ဖုန်းရွှေပညာမှာရော အပြောများတဲ့ "လှည်းဦးတ...
ဥယျာဉ်ခြံမြေ
အခုအခါ မြေကွက်ရိုက်ရောင်းနေသော ဥယျာဉ်ခြံမြေများမှာနေအိမ်ဆောက်ခွင့်ရှိမရှိစိတ်ချရသောမြေကွက်များ ဟုတ်ပါသလားသိချင်လို့ပါ ဖြေပေးပါ ကျေးဇူးတင်ပါတယ်။ဥယျာဉ်ခြံမြေဟာ အိမ်ပိုင် မြေအဖြစ် အကွက်ရိုက်ရောင်း လို့ရပါ တယ်။ ရောင်းခွင့်ရဖို့ အတွက် မြေကွက်တည်ရှိရာမြို့...
www.yuzanarland.com ဟာ မိတ်ဆွေအတွက်ပါ။
