ပြစ်မှုမကင်းသော ကျော်နင်းမှုဆိုတာ

13-Aug-21
ပြစ်မှုမကင်းသော ကျော်နင်းမှုဆိုတာ
မည်သူမဆို ပြစ်မှုကျူးလွန်ရန် သို့မဟုတ် ပစ္စည်းလက်ရှိဖြစ်သူကို ခြောက်လှန့်ရန်၊ စော်ကားရန်၊ စိတ်ငြိုငြင်စေရန် အကြံဖြင့် သူတစ်ပါး၏ လက်ရှိပစ္စည်းအတွင်းသို့ဖြစ်စေ၊ အပေါ်သို့ဖြစ်စေ ဝင်ရောက်လျှင် သို့မဟုတ် ထိုပစ္စည်းအတွင်းသို့ဖြစ်စေ၊ အပေါ်သို့ဖြစ်စေ တရားသဖြင့် ဝင်ရောက်ပြီးနောက် ပစ္စည်းလက်ရှိ ဖြစ်သူကို စော်ကားရန်၊ ခြိမ်းခြောက်ရန်၊ စိတ်ငြိုငြင်စေရန်၊ ပြစ်မှုကျူးလွန်ရန် အကြံဖြင့် ဥပဒေနှင့် ဆန့်ကျင်ကာ ထိုပစ္စည်း၌ ဆက်လက်နေလျှင် ထိုသူသည် ပြစ်မှုမကင်းသော ကျော်နင်းမှုကို ကျူးလွန်သည်မည်၏။ (ပြစ်မှုဆိုင်ရာဥပဒေ ပုဒ်မ-၄၄၁ )
အိမ်ကျော်နင်းမှုဆိုတာ
မည်သူမဆို လူနေအိမ်အဖြစ် အသုံးပြုသည့် အဆောက်အအုံ၊ တဲ၊ ရေယာဉ်ကိုဖြစ်စေ၊ ကိုးကွယ်ဝတ်ပြု သော နေရာအဖြစ်သော်လည်းကောင်း၊ ပစ္စည်းသိုလှောင်ထိန်းသိမ်းသော နေရာအဖြစ်သော်လည်းကောင်း အသုံးပြုရသည့် အဆောက်အအုံကိုဖြစ်စေ ဝင်ရောက်ခြင်းဖြင့် သို့မဟုတ် ဆက်လက်နေခြင်းဖြင့် ပြစ်မှုမကင်း သော ကျော်နင်းမှုကို ကျူးလွန်လျှင် ထိုသူသည် အိမ်ကျော်နင်းမှုကို ကျူးလွန်သည် မည်၏။ (ပြစ်မှုဆိုင်ရာ ဥပဒေ ပုဒ်မ-၄၄၂ )
ပုန်းလျှိုးအိမ်ကျော်နင်းမှုဆိုတာ
အိမ်ကျော်နင်းမှုကို ကျူးလွန်ရာ၌ ကျော်နင်းရာဖြစ်သော အဆောက်အအုံမှဖြစ်စေ၊ တဲမှဖြစ်စေ၊ ရေယာဉ်မှဖြစ်စေ ကျော်နင်းမှုကျူးလွန်သူကိုထုတ်ပယ်ရန် သို့တည်းမဟုတ် နှင်ရန် အခွင့်အရေးရှိသူက ကျော်နင်းသည်ကို မသိမမြင်အောင် ကြိုတင်စီမံပြုလုပ်၍ အိမ်ကျော်နင်းမှုကို ကျူးလွန်လျှင် ပုန်းလျှိုးအိမ်ကျော် နင်းမှု ကျူးလွန်သည်မည်၏။ ( ပြစ်မှုဆိုင်ရာဥပဒေ ပုဒ်မ-၄၄၃ )
ညဉ့်အချိန် ပုန်းလျှိုးအိမ်ကျော်နင်းမှုဆိုတာ
မည်သူမဆို နေဝင်ပြီးချိန်မှစ၍ နေမထွက်မီအချိန်အတွင်း ပုန်းလျှိုးအိမ်ကျော်နင်းမှုကို ကျူးလွန်လျှင် ထိုသူသည် ညဉ့်အချိန် ပုန်းလျှိုးအိမ်ကျော်နင်းမှုကို ကျူးလွန်သည်မည်၏။ ( ပြစ်မှုဆိုင်ရာဥပဒေ ပုဒ်မ-၄၄၄ )
ကျော်နင်းမှုများ ကျူးလွန်လျှင် ထိုက်သင့်သည့် ပြစ်ဒဏ်များ
ပြစ်မှုမကင်းသော ကျော်နင်းမှုကို ကျူးလွန်လျှင် သုံးလထိ ထောင်ဒဏ်တစ်မျိုးမျိုးဖြစ်စေ ငါးရာထိ ငွေဒဏ် ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။ (ပြစ်မှုဆိုင်ရာဥပဒေ ပုဒ်မ-၄၄၇ ) အိမ်ကျော်နင်းမှုကို ကျူးလွန်လျှင် တစ်နှစ်ထိ ထောင်ဒဏ်တစ်မျိုးမျိုးဖြစ်စေ၊ တစ်ထောင်ထိ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။ ( ပြစ်မှုဆိုင်ရာဥပဒေ ပုဒ်မ-၄၄၈ )
ညဉ့်အချိန် ပုန်းလျှိုးအိမ်ကျော်နင်းမှုကိုဖြစ်စေ၊ အိမ်ဖောက်ထွင်းမှုကိုဖြစ်စေ ကျူးလွန်လျှင် သုံးနှစ်ထိ ထောင်ဒဏ်တစ်မျိုးမျိုး ချမှတ်ရမည့်ပြင်လငွေဒဏ်လည်း ချမှတ်နိုင်သည်။ (ပြစ်မှုဆိုင်ရာဥပဒေ ပုဒ်မ-၄၅၆ )
ပြစ်မှုမကင်းသော ကျော်နင်းမှုဖြင့် တရားရုံးမှ ပြစ်မှုထင်ရှားစီရင်ပြီးသော်လည်း ဥပစာမှ ထွက်ခွာခြင်း မပြုဘဲ ဆက်လက်နေထိုင်ပါကထပ်မံတရားစွဲနိုင်သည်။ အခင်းဖြစ် ဥပစာအတွင်းသို့ မတရားကျော်နင်း ဝင်ရောက်ခြင်းအတွက်တရားရုံးမှ ပြစ်မှုထင်ရှားစီရင်ပြီးသော်လည်း ထိုဥပစာမှ ထွက်ခွာခြင်းမပြုဘဲ ဆက်လက် နေထိုင်ခြင်းဖြင့် ပိုင်ရှင်အား ထပ်မံ၍ စိတငြိုငြင်မှုဖြစ်စေလျှင် ပုဒ်မ-၄၄၁ အရ ပြစ်မှုမကင်းသော ကျော်နင်းမှုကို နောက်ထပ်ကျူးလွန်ရာရောက်သည့်အတွက် အခင်းဖြစ်ကြောင်းအရာ အသစ်ပေါ်ပေါက်လာသည်ဖြစ်၍ ပြစ်မှု ကို အသစ်တစ်ဖန် ကျူးလွန်ရာရောက်သည်။ ဤသို့သော်အကြောင်းခြင်းရာ ပေါ်ပေါက်လာတိုင်း ကျူးကျော် ဝင်ရောက်နေထိုင်သူအားထပ်မံ၍ နစ်နာသူက တရားစွဲဆိုနိုင်သည်။
 

Related Posts

Download Yuzanar Land's Mobile Apps

Get latest properties in email!

ဘာကြောင့် ယူဇနာမြေ ကို ရွေးချယ်သင့်သလဲ?

  • www.yuzanarland.com ဟာ မိတ်ဆွေအတွက်ပါ။
  • အိမ်၊ ခြံ၊ မြေ ရောင်း / ဝယ် / ငှား ခြင်းလုပ်ငန်းနှင့်အတူ ဆက်နွယ်သော လုပ်ငန်းများစွာကို
  • တစ်ဦးတစ်ယောက်ချင်း သီးခြားလုပ်ကိုင်သော အကျိုးဆောင်များ နှင့်
  • အကျိုးဆောင် ကုမ္ပဏီကြီး များအတွက် သာမက
  • ပိုင်ရှင်ကိုယ်တိုင်များ အတွက်ပါ တိုက်ရိုက် ကြော်ငြာနိုင်ရန်
  • ကိုယ်ပိုင် Dashboard ဖြင့် စိတ်ကြိုက် ပြင်ဆင် ရောင်းဝယ်နိုင်ပြီး
  • မိမိကိုယ်ပိုင် အိမ်ကဲ့သို့သော်၎င်း ရုံးခန်း တစ်ခုကဲ့သို့ သော်၎င်း
  • လွတ်လပ်စွာ ရောင်း ဝယ်နိုင်ဖို အတွက် အထူးစီမံထား သော Online အိမ်၊ ခြံ၊ မြေ ရောင်း၊ ဝယ်၊ ငှား Website ကြီးဖြစ်ပါသည်။
Read More »

ဆက်သွယ်ရန်

Copyright © 2020 | All rights reserved by Yuzanar Land Real Estate